पेठ तालुक्यातील भुवन येथील सतरा वर्षीय मुलीच्या आईने तिला १३ नोव्हेंबर रोजी रुग्णालयात दाखल केले होते. तिने १६ नोव्हेंबर रोजी प्रसूतीनंतर मुलाला जन्म दिला. तर चांदवड तालुक्यातील राहुड येथील सोळा वर्षीय मुलीला चांदवड उपजिल्हा रुग्णालयात १३ नोव्हेंबर रोजी दाखल करण्यात आले. तिने जन्म दिलेल्या मुलीचे वजन कमी असल्याने १५ नोव्हेंबरपासून सदर मुलगी व बाळ जिल्हा रुग्णालयात उपचार घेत आहे.

या तिन्ही प्रकरणांत पोलिसांनी कायदेशीर तक्रार नोंदवून प्रसूती झालेल्या मुलींसह त्यांच्या आईवडिलांचे जबाब नोंदणी सुरू केली आहे. याप्रकरणात ओझर, पेठ आणि चांदवड पोलिसांत कळवून पुढील गुन्हा दाखल करण्याची कार्यवाही सुरू असल्याची माहिती जिल्हा रुग्णालयातील सूत्रांनी दिली.