मुंबई : छत्रपती शिवाजी महाराज टर्मिनस ते विद्याविहार आणि सीएसएमटी ते चुनाभट्टी/वांद्रेदरम्यान मध्य रेल्वेने रविवारी मेगाब्लॉक घोषित केला आहे. यामुळे काही लोकल फेऱ्या रद्द राहणार असून, काही लोकल फेऱ्या विलंबाने धावणार आहेत. पश्चिम रेल्वेवर शनिवारी सांताक्रुझ ते गोरेगावदरम्यान रात्रकालीन ब्लॉक असणार आहे. यामुळे चर्चगेट ते विरार डहाणू रोडदरम्यान रविवारी दिवसा कोणताही ब्लॉक असणार नाही.
मध्य रेल्वे
मध्य रेल्वे
स्थानक : सीएसएमटी ते विद्याविहार
मार्ग : अप आणि डाऊन धीमा
वेळ : सकाळी १०.५५ ते दुपारी ३.५५
परिणाम : धीम्या मार्गावरील लोकल फेऱ्या जलद मार्गावर वळविण्यात येणार आहेत. यामुळे लोकल फेऱ्या रद्द राहणार असून काही फेऱ्या विलंबाने धावणार आहेत.
फायनलपूर्वी रोहित शर्माची चिंता एकाच गोष्टीमुळे वाढली, समोर आली आता एक वाईट गोष्ट…
हार्बर मार्ग
स्थानक : सीएसएमटी ते चुनाभट्टी/वांद्रे
मार्ग : अप आणि डाऊन
वेळ : सकाळी ११.१० ते दुपारी ४.१०
परिणाम : सीएसएमटी/वडाळा रोड ते वाशी/बेलापूर/पनवेलदरम्यान अप-डाऊन आणि सीएसएमटी ते वांद्रे गोरेगावदरम्यान अप-डाऊन लोकल फेऱ्या रद्द राहणार आहे. पनवेल ते कुर्लादरम्यान विशेष फेऱ्या चालवण्यात येणार आहेत.
पश्चिम रेल्वे
स्थानक : सांताक्रुझ ते गोरेगाव
मार्ग : पाचवी आणि सहावी मार्गिका
वेळ : शनिवारी रात्री ११.३० ते रविवारी पहाटे ४.३०
परिणाम : शनिवार ते रविवारदरम्यान रात्रकालीन ब्लॉक असल्याने पश्चिम रेल्वेवर रविवारी दिवसा कोणताही ब्लॉक असणार नाही.
शमीच्या विक्रमानंतर हसीन जहाँने पोस्ट केला व्हिडिओ, म्हणाली तेरे नामसे ही मुझको…