धुळे: शिवमहापुराण कथा वाचक प्रदीप मिश्रा यांच्यावर गुन्हा दाखल करण्याची मागणी करण्यात आली आहे. असंवैधानिक, बेकायदेशीर आणि अवैज्ञानिक दाव्यामुळे पसरविल्या जाणाऱ्या अंधश्रद्धा बुवाबाजी विरोधात आणि होणाऱ्या दिशाभूल आणि बदनामीकारक वक्तव्याच्या विरोधात गुन्हे दाखल करण्याची महाराष्ट्र अंधश्रद्धा निर्मूलन समितीने धुळे जिल्हा पोलीस अधीक्षकांकडे मागणी केली आहे.
याबाबत अधिक माहिती अशी की, सुप्रसिद्ध शिवमहापुराण कथाकार पंडित प्रदीप मिश्रा यांच्या शिवमहापुराण कथेचा कार्यक्रम धुळे शहरात १५ ते १९ नोव्हेंबर दरम्यान संपन्न होणार आहे. या शिवमहापुराण कथेच्या कार्यक्रमाच्या माध्यमातून पंडित प्रदीप मिश्रा हे अवैज्ञानिक, असंवैधानिक दावे करून सर्वसामान्य नागरिकांची दिशाभूल करत असल्याचा आरोप अंधश्रद्धा निर्मूलन समितीने केला आहे. पंडित प्रदीप मिश्रा यांच्यावर अंधश्रद्धा बुवाबाजी विरोधात आणि होणाऱ्या दिशाभूल फसवणूक अपमान जनक बदनामीकारक वक्तव्यांच्या विरोधात गुन्हे दाखल करण्याची मागणी महाराष्ट्र अंधश्रद्धा निर्मूलन समितीचे अध्यक्ष अविनाश पाटील यांनी केली.
याबाबत अधिक माहिती अशी की, सुप्रसिद्ध शिवमहापुराण कथाकार पंडित प्रदीप मिश्रा यांच्या शिवमहापुराण कथेचा कार्यक्रम धुळे शहरात १५ ते १९ नोव्हेंबर दरम्यान संपन्न होणार आहे. या शिवमहापुराण कथेच्या कार्यक्रमाच्या माध्यमातून पंडित प्रदीप मिश्रा हे अवैज्ञानिक, असंवैधानिक दावे करून सर्वसामान्य नागरिकांची दिशाभूल करत असल्याचा आरोप अंधश्रद्धा निर्मूलन समितीने केला आहे. पंडित प्रदीप मिश्रा यांच्यावर अंधश्रद्धा बुवाबाजी विरोधात आणि होणाऱ्या दिशाभूल फसवणूक अपमान जनक बदनामीकारक वक्तव्यांच्या विरोधात गुन्हे दाखल करण्याची मागणी महाराष्ट्र अंधश्रद्धा निर्मूलन समितीचे अध्यक्ष अविनाश पाटील यांनी केली.
याबाबत आज अंधश्रद्धा निर्मूलन समितीचे पदाधिकाऱ्यांनी त्यांनी पोलीस अधीक्षक संजय बारकुंड यांची भेट घेऊन प्रदीप मिश्रा यांना धुळे दौरा रद्द करावा, तसेच नागरिकांची दिशाभूल व फसवणूक तसेच त्यांची बदनामीकारक वक्तव्य करणाऱ्या विरोधात गुन्हे दाखल करा अशी मागणी केली आहे महाराष्ट्र अंधश्रद्धा निर्मूलन समितीने केलेल्या या मागणीमुळे नवीन वाद निर्माण होणार आहे.
नेमकं काय म्हटलयं पत्रात
कथावाचक प्रदीप मिश्रा (सिहोर, मध्य प्रदेश) यांच्या असंवैधानिक, बेकायदेशीर व अवैज्ञानिक दाव्यांमुळे पसरविल्या जाणाऱ्या अंधश्रद्धा, बुवाबाजी विरोधात व होणाऱ्या दिशाभूल, फसवणूक, अपमानजनक, बदनामीकारक वक्तव्याच्या विरोधात गुन्हे दाखल करण्याबाबत महाराष्ट्र अंधश्रद्धा निर्मूलन समितीची मागणी – अविनाश पाटील
आपण जाणताच की, महाराष्ट्र अंधश्रद्धा निर्मूलन समिती ही संघटना मागील 35 वर्षांपासून देव-धर्म-रुढी, प्रथा- परंपरा- कर्मकांडांच्या माध्यमातून चमत्काराचा दावा, बुवाबाजी- फसवणूक- शोषण- दिशाभूल करण्याच्या विरोधात जनतेचे प्रबोधन व प्रशिक्षण करण्यासाठी संघटीतपणे कार्यरत आहे. संघटनेच्या पुढाराकाराने देशातील दोन महत्त्वपूर्ण कायदे जादूटोणा विरोधी कायदा आणि सामाजिक बहिष्कार विरोधी कायदा महाराष्ट्र राज्यात पहिल्यांदा विधीमंडळाने पारीत करून लागू केला आहे. त्यामुळे धुळे पंक्रोशीत होऊ घातलेल्या शिव महापुराणा कथा उत्सव सेवा समिती, धुळे मार्फत आयोजित प्रदीप मिश्रा (सिहोर, मध्य प्रदेश) यांचे कथा वाचन दिनांक 15 ते 19 नोव्हेंबर 2023 रोजीच्या कार्यक्रमाबाबत आम्ही आमचा विरोध व आक्षेप नोंदवित आहोत. त्यानुसार कथाचावक प्रदीप मिश्रा यांच्यावर गुन्हे दाखल केले जावेत, अशी आमची मागणी आम्ही करीत आहोत.
गुन्ह्यात मदत करतो म्हणत मागितली लाच, मिळाल्या खेळण्यातील नोटा, दोन पोलिसांवर ACB चा हथोडा
महाराष्ट्र राज्याच्या शेजारील राज्य असलेल्या मध्य प्रदेशाच्या सिहोर येथील रहिवासी असलेले प्रदीप मिश्रा उर्फ प्रभूराम रामेश्वर मिश्रा हे स्वतःला आंतरराष्ट्रीय कथाकार आणि पंडित म्हणवून घेतात आणि त्यांचा कथा वाचनाचा व्यवसाय करतात. प्रदीप मिश्रा यांनी आपल्या कथा वाचनाच्या कार्यक्रमातून कथा वाचनापेक्षा आपल्या दिव्य ज्ञानाचे प्रदर्शन जास्त केलेले आहे. त्यामध्ये त्यांनी केलेले दावे आणि व्यक्त केलेली मते ही भारतीय संविधान, त्याआधारे निर्माण झालेले कायदे-नियम, भारतातील महिला आणि युवक-युवती व समस्त श्रद्धावन हिंदू धर्मीय भक्तांचा अपमान करणारे आहेच शिवाय दिशाभूल करून फसवणूक करणारे देखील आहेत.
प्रदीप मिश्रा करीत असलेले दावे व अमानजनक बदनमानीचे मुद्दे खालील प्रमाणे आहेत. त्याची नोंद घेऊन कार्यवाहीची मागणी आहे.
1. अभ्यास न करता विद्यार्थी पास होऊ शकतात, त्यांनी फक्त बेलाच्या पानावर मध लावून शिवलिंगाला चिटकावावे, असा दावा ते करतात.
2. आपल्या असलेल्या कुठल्याही आरोग्य समस्येवरील उपचार म्हणून एक तांब्या पाणी श्री शिवायमनोत्सुत्ये मंत्र म्हणून वाहिल्यास सर्व प्रकारचे आजार बरे होऊन जातात, असा दावा ते करतात.
3. महिलांनी केव्हा व कुठे स्नान करावे, कुठल्या घरात राहावे, ज्यामुळे त्यांचे आयुष्य सुखी- समाधानी होऊन यांचे मार्गदर्शन ते करतात.
4. शिर्डीच्या साईबाबांविषयक अपमानजनक वक्तव्ये ते करतात.
5. मध्य प्रदेशाच्या इंदौर शहरात बाहेरगावाहून येऊन शिक्षण घेणार्या मुली, विद्यार्थिनी दारूड्या आहेत, असा आरोप ते करतात.
6. चमत्काराने भारलेले रुद्राक्ष मोफत वाटण्याचा प्रचार- प्रसार करून जमलेल्या भक्तांच्या अनियंत्रित गैरसोईच्या गर्दीमुळे मृत्यू, चेंगराचेंगरी याच्या व्यवस्थेची जबाबदारी ते झटकतात.
7. भारतीय संविधान बिनकामाचे, निरोपयोगी आहे, असा आक्षेप घेतात.
8. त्यांच्या दाव्यांना, आरोपांना, आक्षेपांना प्रश्न विचारणाऱ्या व त्याची चिकित्सा करणाऱ्या लोकांना ते धर्म विरोधी व राष्ट्रद्रोही म्हणून बदनाम करीत असतात.
वरील सर्व बाबी ह्या केवळ शाब्दिक वक्त्यव्य नसून त्या बाबतच्या वक्तव्यांचे पुरावे यू ट्यूबवर उपलब्ध आहेत. तेच प्रदीप मिश्रांच्या विरोधात गुन्हे दाखल करण्यास, त्यांच्यावर प्रतिबंधात्मक कारवाई करण्यास व पुढील त्यांचे बेजबाबदार, बेकायदेशीर वर्तन थांबविण्यास महत्वाचे दस्तऐवज असणार आहे. याची आपण दखल घ्यावी.
विजय वडेट्टीवार यांना धमकीचा फोन, गृह विभागाकडून गंभीर दखल, धमकी देणाऱ्यांचे फोन नंबर घेतले, लवकरच कारवाईप्रदीप मिश्रांच्या विरोधात महाराष्ट्र जादूटोणा विरोधी कायदा 2013, मेडिकल प्रॅक्टशीनर अॅरक्ट, महाराष्ट्र बोगस डॉक्टर विरोधी कायदा, ड्रग्ज अॅयण्ड मॅजिक रेमेडिज अॅुण्ड अॅिडव्हरटाईजमेंट ऑब्जेक्शन अॅशक्ट 1954 यासह भारतीय दंड संहिता (आयपीएस) आणि भारतीय फौजदारी प्रक्रिया संहिता (सीआरपीसी) कायद्यांतर्गत स्त्री दाक्षिण्याचा अपमान, राष्ट्रीय व सामाजिक प्रतिके-प्रतिमांचा अपमान, हिंदू धर्मियांच्या भावना दुखविण्याचा व फसवणूक करण्यासह आर्थिक आणि मानसिक दिशाभूल करण्याबाबतच्या उपलब्ध कायदे- निमयमांचा वापर करून गुन्हे दाखल केले जावेत, अशी आम्ही मागणी गरीत आहेत.
धुळे पंचक्रोशिततील आयोजित शिव महापुराण कथा उत्सव करण्याचे स्वातंत्र्य भारतीय संविधानातील कलम २५ नुसार भारतीय नागरिकांना दिले आहे. त्यासोबतच कलम २६, २७ नुसार त्यांच्यावरील नियंत्रण, बंधने, मर्यादा देखील नमूद केलेल्या आहेत. त्यामुळे सार्वजनिक नितीमत्ता, कायदा- सुव्यवस्था, सार्वजनिक व राष्ट्रीय व्यापक हित बाधित होणार नाही याची सर्वतोपरी जबाबदारी आयोजक व कथाकारांवर असल्याची लेखी सूचना दिली जावी. त्याची कार्यवाही होण्याची दक्षता घेतली जाणे ही पूर्णतः धुळे जिल्हा प्रशासनाची जबाबदारी आहे. त्यामुळे आपल्याकडून सदर कथाकार प्रदीप मिश्रा यांच्यावर गुन्हे दाखल केले जावेत आणि आयोजकांना देखील प्रतिबंधात्मक उपाययोजना भाग म्हणून वरील उल्लेखित बाबींप्रमाणे असंवैधानिक, बेकायदेशीर, अवैज्ञानिक दावे, कृती, वर्तनापासून परावृत्त केले जावे, अशी मागणी आम्ही करीत आहोत. अन्यथा पुढील कायदेशीर कारवाई करणे क्रमप्राप्त राहील याची आपण नोंद घ्यावी, विनंती आहे.
याविषयी महा. अनिसतर्फे जिल्हा पोलीस अधीक्षक संजय बारकुंड, यांच्यासह धुळे शहर व मोहाडी पोलीस ठाण्यांना निवेदन देण्यात आले आहे. निवेदन देताना महाराष्ट्र अंधश्रद्धा निर्मूलन समितीचे महाराष्ट्र अध्यक्ष अविनाश पाटील यांच्यासह धुळे जिल्हा कार्याध्यक्ष रणजित शिंदे प्रा. भूषण पाटील, शंकर सगरे, अमरदीप पवार, नितीन बागूल आदी उपस्थित होते.
आपले विनित,
(अविनाश पाटील)
महाराष्ट्र अध्यक्ष
महाराष्ट्र अंधश्रद्धा निर्मूलन समिती
दिनांक – 13 नोव्हेंबर 2023