नवी मुंबई : ६५ वर्षावरील ज्येष्ठ नागरिकांना एनएमएमटी बसमध्ये मोफत प्रवासाची सुविधा ही दिवाळीपासून करण्यात येणार असल्याची घोषणा आमदार गणेश नाईक यांनी केली होती. त्या अनुषंगाने नाईकांनी पालिका आयुक्तांशी चर्चा देखील केली होती. ज्येष्ठ नागरिकांचा सन्मान करणारे शहर ही नवी मुंबईची ओळख असून आता नवी मुंबई महानगरपालिका क्षेत्रातील रहिवाशी असलेल्या ६५ वर्षावरील ज्येष्ठ नागरिकांना एनएमएमटी बसमध्ये मोफत प्रवासाची सुविधा १३ नोव्हेंबरपासून उपलब्ध करून देण्यात येत असल्याचे जाहीर करीत नवी मुंबईकर ज्येष्ठांना दिवाळी भेट देण्यात आलेली आहे.
महापालिका आयुक्त राजेश नार्वेकर यांच्या वतीने नुकतेच तसे जाहीर करण्यात आले असून ज्येष्ठ नागरिकांना आणखी एक दिलासा मिळालेला पाहायला मिळत आहे. दिवाळीमध्ये जेष्ठ नागरिकांना मिळालेले हे अनोखे गिफ्ट असून प्रत्येक जेष्ठ नागरिकांच्या चेहऱ्यावर आनंद पाहायला मिळत आहे
महापालिका आयुक्त राजेश नार्वेकर यांच्या वतीने नुकतेच तसे जाहीर करण्यात आले असून ज्येष्ठ नागरिकांना आणखी एक दिलासा मिळालेला पाहायला मिळत आहे. दिवाळीमध्ये जेष्ठ नागरिकांना मिळालेले हे अनोखे गिफ्ट असून प्रत्येक जेष्ठ नागरिकांच्या चेहऱ्यावर आनंद पाहायला मिळत आहे
ज्येष्ठ नागरिकांना ही उदार दिवाळी भेट केवळ सण उजळत नाही तर महापालिकेची लोककल्याणकारी प्रतिमा देखील उंचावते. “नवी मुंबईकरांनी २०५ डिझेल आणि ८५ सीएनजी वाहनांचा ताफा घेऊन एनएमएमटीला त्याच्या विश्वासार्ह आणि समाधानकारक सेवांसाठी सातत्याने पसंती दिली आहे. नवी मुंबई म्युनिसिपल ट्रान्सपोर्ट (NMMT) एकूण ५४१ बसेस चालवते, ज्यात ५६ वातानुकूलित व्होल्वो बस आणि १९५ वातानुकूलित इलेक्ट्रिक बसचा समावेश आहे,” NMMT च्या एका वरिष्ठ अधिकाऱ्याने सांगितले.
NMMT उपक्रम मुंबई, बोरिवली, ठाणे, भिवंडी, डोंबिवली, कल्याण, अंबरनाथ, बदलापूर, पनवेल, खोपोली, कर्जत, रसानी आणि उरण या NMMC हद्दीतील आणि बाहेरील भागांना जोडणारे ७५ बस मार्गांचा विस्तार करतो. या सर्वसमावेशक सेवेमध्ये ४३ सामान्य आणि ३२ वातानुकूलित बसेसचा समावेश आहे.