स्वप्नील हा सराईत गुन्हेगार असून अनेकांसोबत त्याचे वैर होते. त्याचाच बदला घेण्यासाठी आरोपींनी पहाटेच्या सुमारास माणेरे गावातील रस्त्यावर असलेल्या सतगुरु वॉशिंगच्या मागे स्वप्नीलला गाठून लाकडी दांडक्याने हल्ला केला. या हल्ल्यात स्वप्नील मृत झाल्याचे पाहून हल्लेखोर टोळीतील ४ ते ५ गुंड घटनास्थळावरुन फरार झाले. या प्रकरणी पोलिसांनी विठ्ठलवाडी पोलीस ठाण्यात हत्येचा गुन्हा दाखल करत पुढील तपास सुरू केला आहे.

या संदर्भात सहाय्यक पोलीस आयुक्त अमोल कोळी यांच्याशी संपर्क साधला असता आज पहाटेच्या सुमारास ही घटना घडली आहे. या हत्या प्रकरणी विठ्ठलवाडी पोलीस पथकासह उल्हासनगर गुन्हे शाखेचे पथक आरोपींचा शोध घेत आहे. तर काही संशयित आरोपींना ताब्यात घेऊन त्यांची चौकशी सुरू केल्याची माहितीही त्यांनी दिली आहे. उल्हासनगर शहराची उद्योग नगरी म्हणून ओळख आहे. मात्र आता हे शहर गुन्हेगारांच्या विळख्यात अडकल्याने येथील व्यापारी आणि नागरिक या गुंड टोळीचा बंदोबस्त करा, अशी मागणी एकीकडे करत आहेत. दुसरीकडे स्वप्नील कानडे या सराईत गुंडाची आज रविवारी पहाटेच्या सुमारास हत्या झाल्याने परिसरात एकच खळबळ उडाली आहे.