-वार्धक्यासह अस्थमा आणि इतर व्याधींवरील उपचार कसा करायचा हा मोठा प्रश्न त्यांच्यापुढे निर्माण झाला आहे.

-‘सरकार आपल्या दारी’सारखे उपक्रम शासनाकडून राबविले जात असताना एका वृद्धेला होत असलेला हा मनस्ताप चीड आणणारा आहे, असा रोष शकुंतला यांचा मुलगा प्रकाश यांनी व्यक्त केला.

दुर्घटनेवेळी विलंबाची आपत्ती, प्रशिक्षित मनुष्यबळाच्या अभावामुळे बचावकार्यास अडथळा

असा झाला पत्रव्यवहार

-वर्धा येथून मंडळ अधिकारी म्हणून निवृत्त झालेल्या त्र्यंबक सुरोसे यांचा ३१ मार्च २०२२ रोजी मृत्यू झाला. त्यानंतर पत्नी शकुंतला या नाशिक येथे मुलाकडे राहायला गेल्या.

-फॅमिली पेन्शन नाशिकला हस्तांतरित करावे, यासाठी त्यांनी वर्धा कोषागार कार्यालयाकडे २८ नोव्हेंबर २०२२ रोजी अर्ज केला.

-गेल्यावर्षी ३ डिसेंबरला हा अर्ज नागपूर महालेखाकार कार्यालयाकडे (एजी) पाठविण्यात आला.

-१७ एप्रिल २०२३ रोजी प्रकरण मंजूर झाले असून मुंबई ‘एजी’ कार्यालयाकडे पाठविण्यात आल्याचे नागपूर एजी कार्यालयाकडून सांगण्यात आले. तसे पत्रच शकुंतला यांना देण्यात आले.

इंडिया आघाडीला नमनालाच अपशकून, समाजवादी-‘आप’ची वेगळी चूल; काँग्रेस बंडखोरांनाच दिली उमेदवारी

-प्रकाश यांनी आपल्या थकलेल्या आईला घेऊन मुंबई कार्यालयात सहावेळा चकरा मारल्या. मात्र, ‘आमच्याकडे पत्र आलेच नाही’, असे उत्तर देण्यात आले.

-अखेर हे प्रकरण एजी कार्यालयाच्या चुकीने वर्धा कार्यालयाला पाठविण्यात आल्याचा शोध लागला.

-नागपूर एजी कार्यालयाला याबाबत कल्पना दिली असता त्यांनी ‘वर्धा येथून कागदपत्रे गोळा करून मुंबईला घेऊन जा’, असा सल्ला दिला.

-वर्धा कार्यालयाने मात्र कागदपत्र वैयक्तिक देता येत नसल्याचे उत्तर दिले.

-‘मटा’ने नागपूर एजी कार्यालयातील वरिष्ठ लेखाकार नागराजन यांच्याशी संपर्क साधला असता त्यांनी ‘वर्धा येथून कागदपत्रे गोळा करून मुंबईला पाठवावी लागतील’, असे सांगितले. हे काम एजी कार्यालयाचेच असून ही प्रक्रिया त्यांनीच करावी, असे मत एका वरिष्ठ अधिकाऱ्याने व्यक्त केले.

Read Latest Maharashtra News And Marathi News