छत्रपती संभाजीनगर :डॉ. बाबासाहेब आंबेडकर मराठवाडा विद्यापीठाचे कुलगुरू डॉ. प्रमोद येवले यांनी शनिवारी मास कॉपी प्रकरणी चारशेपेक्षा अधिक विद्यार्थ्यांची सुनावणी घेतली. कुलगुरूंनी स्वत:च्या उपस्थित सुनावणी घेण्याचा हा पहिला प्रकार असल्याची चर्चा आहे. एप्रिलमध्ये झालेल्या पदवी परिक्षेत शेंद्रा येथील वाल्मिकराव दळवी महाविद्यालयाच्या परिक्षा केंद्रांवर मास कॉपीचा प्रकार समोर आला होता. पेपरची वेळ संपल्यावर विद्यार्थ्यांना बोलावून पेपर सोडवून घेण्यात आल्याचा प्रकार समोर आला होता. सर्व विद्यार्थ्यांचे निकाल विद्यापीठाने थांबविले होते. पोलिस बंदोबस्तात शनिवारी मुख्य इमारतीत सुनावणी झाली. बहुतांशी विद्यार्थ्यांची उत्तरे सारखी असल्याचे सांगण्यात येते. समितीने उत्तरे सारखी असल्याचे प्रश्न विचारले, अनेकांनी सारख्या नोट्स वापरल्याचे उत्तरे दिल्याचे अधिकारी सुत्रांनी सांगितले. सुनावणीनंतर प्रशासनाच्या पुढील कारवाईकडे विद्यार्थ्यांचे लक्ष लागले आहे.
विद्यापीठात शनिवारी सकाळी सुनावणीला सुरुवात झाली. विद्यार्थ्यांच्या प्रवेशद्वारावर विद्यार्थ्यांच्या सकाळपासून रांगा होत्या. सहा महिन्यांपासून चर्चेत असलेला हा प्रकार लक्षात घेत आणि स्वत: कुलगुरू डॉ. येवले सुनावणी घेणार असल्याने पोलिसांसह विद्यापीठाच्या सुरक्षा रक्षकांचा चोख बंदोबस्त यावेळी होता. कुलगुरूंसह परीक्षा विभागाचे संचालक, अधिष्ठातांची उपस्थिती होती. चारशेपेक्षा अधिक विद्यार्थी असल्याने दोन सत्रात सुनावणी झाली. प्रत्येक विद्यार्थ्याला बोलावून कॉपी प्रकरणी उपस्थित सदस्यांकडून चार ते पाच प्रश्न विचारण्यात येत होते. उत्तरपत्रिकेत सारखी उत्तरे कशी, महाविद्यालयात परत बोलावण्यात आले होते का, असे प्रश्न विद्यार्थ्यांना विचारण्यात येत होते.विद्यार्थ्यांची उत्तरे!
विद्यापीठात शनिवारी सकाळी सुनावणीला सुरुवात झाली. विद्यार्थ्यांच्या प्रवेशद्वारावर विद्यार्थ्यांच्या सकाळपासून रांगा होत्या. सहा महिन्यांपासून चर्चेत असलेला हा प्रकार लक्षात घेत आणि स्वत: कुलगुरू डॉ. येवले सुनावणी घेणार असल्याने पोलिसांसह विद्यापीठाच्या सुरक्षा रक्षकांचा चोख बंदोबस्त यावेळी होता. कुलगुरूंसह परीक्षा विभागाचे संचालक, अधिष्ठातांची उपस्थिती होती. चारशेपेक्षा अधिक विद्यार्थी असल्याने दोन सत्रात सुनावणी झाली. प्रत्येक विद्यार्थ्याला बोलावून कॉपी प्रकरणी उपस्थित सदस्यांकडून चार ते पाच प्रश्न विचारण्यात येत होते. उत्तरपत्रिकेत सारखी उत्तरे कशी, महाविद्यालयात परत बोलावण्यात आले होते का, असे प्रश्न विद्यार्थ्यांना विचारण्यात येत होते.
कुलगुरूंनी स्वत: सुनावणी घेतल्याची चर्चा अधिक राहिली. विद्यापीठातर्फे एप्रिल-मे मध्ये पदवी अभ्यासक्रमांच्या परीक्षा घेतल्या. परीक्षेत शेंद्रा येथील वाल्मिकराव दळवी कला, वाणिज्य व विज्ञान महाविद्यालय परीक्षा केंद्रावर पेपरची वेळ संपल्यावर विद्यार्थ्यांना बोलवून पेपर सोडविण्यात आल्याचा प्रकार चर्चेत आला. ४ एप्रिल रोजी हा प्रकार समोर आल्यानंतर विद्यापीठाने तेथील परीक्षा केंद्र तात्काळ रद्द केले होते. पण त्याआधी संबंधित केंद्रावर पाच विषयांचे पेपर झालेले होते. विद्यापीठाने आधीचे पेपरही वेगळे काढून तज्ञांकडून तपासणी केली.
या विषयांचा समावेश..
परीक्षेदरम्यान शेंद्रा येथील वाल्मिकराव दळवी कला, वाणिज्य व विज्ञान महाविद्यालयात ‘कॉपी’सह विविध तक्रारी आल्यानंतर विद्यापीठाने त्याची दखल घेतली होती. महाविद्यालयातील बी.एस्सी संगणकशास्त्र, फौरेन्सिक सायन्स, आय.टी, बीएस्सी तसेच बीबीए या पाचही अभ्यासक्रमांची परीक्षा होती. प्रकरणानंतर संबंधित केंद्र इतर महाविद्यालयात तात्काळ स्थालांतरीत करण्यात आले. महाविद्यालयातील गैरप्रकाराच्या चौकशी संदर्भात अधिष्ठाता डॉ. भालचंद्र वायकर, डॉ. राम चव्हाण, डॉ. बी. एन. डोळे अशी तीन जणांची समिती नेमली होती.
दुष्काळी तालुक्यांच्या यादीवर प्रश्नचिन्ह,अजित पवार समर्थक आमदार संतापला, थेट मुख्यमंत्र्यांना पत्र
विद्यार्थ्यांची उत्तरे!
सुनावणी दरम्यान विद्यार्थ्यांना उत्तरपत्रिकेत सारखी उत्तरे कशी, महाविद्यालयात परत बोलावण्यात आले होते का, असे सवाल करण्यात येत होते. पाच ते सात मिनीटे विविध प्रश्नांवर संबंधित विद्यार्थ्यांची उत्तरे ऐकूण लिहून घेण्यात येत होती. विद्यार्थ्यांनी बैठक क्रमांक दूर होते, नोट्स सारखे होते, कॉपी केली नाही, अशा प्रकारची उत्तरे दिल्याचे अधिकारी सुत्रांनी सांगितले. विद्यार्थ्यांकडून आलेली उत्तरे लिहून घेण्यात येत होते. सायंकाळी उशिरापर्यंत सुनावणी सुरू होती.
पावसामुळे सामना रद्द केला तर कोण ठरणार विजेता पाकिस्तान की न्यूझीलंड, जाणून घ्या नियम
Read Latest Maharashtra News And Marathi News