ही माती हस्तकला करण्यासाठी काही वेळा कर्नाटक या राज्यातून आणावी लागते. कर्नाटक राज्यातील माहिती अत्यंत उपयोगी असते. मातीची भांडी मजबूत राहतात. तर काही माती लोकल ठिकाणी उपलब्ध होते. या मातीपासून वेगवेगळ्या प्रकारच्या वस्तू बनवल्या जातात. मातीचे भांडे, हंडा, कुल्डर आणि आकर्षक वाटणाऱ्या जग, पेला, वाट्या, झुबर, पणत्या जशा ग्राहकांना आकर्षित करतील तशा प्रकारच्या वस्तू बनवल्या जातात. या मातीच्या भांड्याना महाराष्ट्रात मोठी मागणी असते. त्याचप्रमाणे गोवा राज्यातही मोठी मागणी आहे. आमचं दुकान रोडला लागून असल्यामुळे तिथून पर्यटक देखील घेऊन जातात.

जी मातीची भांडी बनतात त्याबद्दल ग्राहकही समाधानी आहे. ही भांडी आमच्याच भट्टीमध्ये भाजून चांगल्या प्रकारे घेतो. त्यानंतर मातीची भांडी मार्केटमध्ये पाठवतो. यातून इतर खर्च वजा करता आम्हाला समाधानकारक नफा मिळतोय. या माती हस्तकलेतून आम्हाला खूप समाधान मिळत आहे. या मातीच्या भांड्यांना बाजारात मोठी मागणी आहे. पण आम्ही तेवढा पुरवठा करू शकत नाही. कुशल कामगार नाहीत किंवा कामगार तयार होतील पण त्यांची मानसिकता नाही आहे. एक लाख पेक्षा जास्त नफा मिळतो. त्यातून कोणतही नुकसान नाही. काही भांडी भट्टीमध्ये फुटतात पण तो आमचा तोटा नाही तर त्यातून आम्हाला अनुभव मिळतोय. त्यातून चांगली प्रगती, सुधारणा करण्याची संधी मिळते, असे चिंदरकर सांगतात.