संयुक्त महाराष्ट्राचे पहिले मुख्यमंत्री यशवंतराव चव्हाण यांची आज पुण्यतिथी आहे. यानिमित्ताने चव्हाण यांना अभिवादन करण्यासाठी त्यांच्या प्रीतीसंगम…या समाधीस्थळी राष्ट्रवादीचे अध्यक्ष अजित पवार हे दाखल झाले होते. त्यानंतर काही वेळातच तिथे राष्ट्रवादी शरदचंद्र पवार पक्षाचे आमदार रोहित पवार हेदेखील पोहोचले. काका-पुतण्याच्या या भेटीवेळी अजित पवार यांनी रोहित पवारांची फिरकी घेतल्याचं पाहायला मिळालं. रोहित पवार यांचं विधानसभा निवडणुकीतील विजयानंतर अजित पवारांनी अभिनंदन केलं.मिश्किलपणे काकाचं दर्शन घे, असंही म्हटलं. त्यानंतर रोहित यांनीही अजित पवारांच्या…पाया पडत आशीर्वाद घेतल्याचं पाहायला मिळालं. हा व्हिडिओ दिवसभर चर्चेत होता. या सगळ्या घडामोडींनंतर रोहित पवार यांच्याशी बातचित केलीये पाचेंद्रकुमार टेंभरे यांनी…