दिवाळीच्या पहिल्या दिवशी मोठ्या प्रमाणात तरुणाईचे जत्थे मासुंदा तलाव आणि राम मारुती रोड परिसरात येतात. याठिकाणी विविध राजकीय पक्षांकडून रंगमंच उभारून सांस्कृतिक कार्यक्रम आयोजित केले जातात. यंदा जांभळी नाका येथील चिंतामणी चौक सर्कल, राजावंत ज्वेलर्ससमोर, न्यू इंग्लिश शाळेजवळ, पु. ना. गाडगीळ ज्वेलर्स चौक व शिवाप्रसाद उपहारगृहाजवळ सांस्कृतिक कार्यक्रम होणार असल्याचे वाहतूक शाखेने जाहीर केलेल्या अधिसूचनेत नमूद केले आहे. त्यामुळे या भागात वाहतूक बदल करण्यात आले आहेत.