पुणे : आपल्या आसपास वारंवार शिंका येणे, सकाळी उठल्यावर शिंका येणे, खोकला येणे, डोके दुखणे, नाकातून पाणी येणे या प्रकारचा त्रास होत असलेले लोक मोठ्या संख्येने दिसू लागले आहेत का ? उत्तर होय असले, तर समजा शहरात अॅलर्जीच्या आजारांमध्ये वाढ झाली आहे. शहरात सध्या सर्दी, खोकला, ताप, डेंगी या प्रकारच्या साथरोगांचे रुग्ण आढळून येत असतानाच आता अॅलर्जीच्या आजारांनी डोके वर काढले आहे. परिणामी शहरातील खासगी आणि सरकारी रुग्णालयांमधील कान, नाक, घसा आणि श्वसनरोग विभागात येणाऱ्या रुग्णांची संख्या वाढली आहे.
वातावरणात अचानक झालेला बदल, धूळ, थंडी आणि प्रदूषण या कारणांमुळे शहरात गेल्या काही दिवसांमध्ये अॅलर्जीच्या रुग्णांचे आजारांचे दोन ते तीन पटीने वाढल्याचे निरीक्षण वैद्यकीय तज्ज्ञांनी नोंदविले आहे.
वातावरणात अचानक झालेला बदल, धूळ, थंडी आणि प्रदूषण या कारणांमुळे शहरात गेल्या काही दिवसांमध्ये अॅलर्जीच्या रुग्णांचे आजारांचे दोन ते तीन पटीने वाढल्याचे निरीक्षण वैद्यकीय तज्ज्ञांनी नोंदविले आहे.
वायसीएम रुग्णालयातील कान, नाक, घसा तज्ज्ञ डॉ. अनिकेत लाठी म्हणाले, प्रदूषण आणि धूळीमुळे अॅलर्जीच्या आजारांमध्ये वाढ झाली आहे. बहुतांश रुग्णांमध्ये वारंवार शिंका येण्याचा त्रास दिसून येत आहे. अॅलर्जीमुळे अनेकांना घसा आणि डोके दुखीचा त्रास होत असल्याचे दिसून येत आहे.
शिंक येण्याची कारणे
– श्वास घेताना हवेतील धुळीचे कण आणि धोकादायक घटक शरीरात जातात.
– शरीरात घातक पदार्थ जाण्यापासून नाक रोखते. परंतु तरीही काही धुळीचे कण शरीरात जातात त्यामुळे शिंका येतात.
– तीव्र वासाच्या गोष्टींमुळेही अनेकदा शिंका येतात.
सप्तशृंगी मातेला भरजरी पैठणी, त्र्यंबकराजाला स्पर्श करून भगवतीला मानाची साडीचोळी अर्पण
वांरवार शिंका आल्याने जाणवणाऱ्या समस्या
– घसा खवखवणे
– कोरडा खोकला
– सर्दी
– डोकेदुखी
– डोळ्यांखाली काळे डाग
– थकवा येणे
शिंका येणे, डोके दुखणे, नाकातून पाणी येणे या प्रकारच्या समस्या गेल्या दोन महिन्यांपासून वाढल्याचे दिसून येत आहे. त्याचबरोबर कान आणि घशाच्या समस्याही वाढल्या आहे. वातावरणातील बदल, प्रदूषण आणि धूळीचे वाढलेले प्रमाण या कारणांमुळे या प्रकारच्या समस्यांमध्ये वाढ झाल्याचे दिसून येत आहे. यापासून बचाव करण्यासाठी दुचाकी चालवताना मास्क, हेल्मेटचा वापर करणे आवश्यक आहे.
डॉ. सचिन गांधी, कान, नाक, घसा तज्ज्ञ, दीनानाथ मंगेशकर रुग्णालय
गेल्या तीन ते चार आठवड्यांमध्य़े सर्दी, खोकला, दम लागणे, श्वास घेण्यास त्रास होणे या प्रकारची लक्षणे असलेल्या रुग्णांमध्ये वाढ झाली आहे. त्यामुळे बाह्यरुग्ण आणि आंतररुग्ण विभागामध्ये येणाऱ्या रुग्णांचे प्रमाण दोन ते तीन पटीने वाढले आहे. सकाळी थंडी आणि दुपारी ऊन या प्रकारचे सध्या वातावरण आहे. वातावरणातील बदल, प्रदूषण आणि धूळीचे प्रमाण वाढल्याने या प्रकारचा त्रास होतो.
डॉ. स्वप्निल कुलकर्णी, श्वसनरोग तज्ज्ञ
Read Latest Maharashtra News And Marathi News