दरम्यान हे दृश्य परिसरातील काही शेतकऱ्यांनी पाहिले असता त्यांनी चराट फेकून आईला वर काढले. मात्र दुर्दैवाने दोन्ही भावंडांना वाचवण्यात त्यांना अपयश आले. पाण्यात बुडणाऱ्या दोन भावंडांचा त्यांचा आईच्या डोळ्यासमोरच करुण अंत झाला. या घटनेनंतर दोन्ही भावंडांचे मृतदेह येवला येथील उपजिल्हा रुग्णालयात शवविचछेदनासाठी आणण्यात आले. या घटनेमुळे येवला तालुका हळहळला असून उंदीरवाडी येथील जाधव कुटुंबियांवर मोठा दुःखाचा डोंगर कोसळला आहे.

आईची माया ही अपरंपार असते. याचा प्रत्यय नाशिक जिल्ह्यातील येवला तालुक्यात असलेल्या उंदीरवाडी येथे आला आहे. आईला पोहता येत नसताना देखील आपल्या दोन बुडणाऱ्या मुलांना वाचवण्यासाठी आईने कुठलाही विचार न करता जीवाची परवा न करता थेट नदीपात्रात उडी घेतली. हा प्रकार वेळीच परिसरातील शेतकऱ्यांच्या लक्षात आला. या घटनेत पाण्यात बुडणाऱ्या आईला वाचवण्यात यश आले. मात्र दुर्दैवाने दोन्ही सख्ख्या भावंडांचा मृत्यू झाला.