मुंबई : रिलायन्स इंडस्ट्रीजचे अध्यक्ष आणि देशातील सर्वात श्रीमंत व्यक्ती मुकेश अंबानी यांना जीवे मारण्याची धमकी देण्यात आली आहेत. पोलिसांनी दिलेल्या माहितीनुसार २७ ऑक्टोबर रोजी धमकीचा ईमेल आला होता ज्यामध्ये २० कोटी रुपयांची मागणी करण्यात आली. तसेच मुकेश अंबानी यांच्या कंपनीच्या ईमेल आयडीवर एका अज्ञात व्यक्तीने धमकीचा ईमेल पाठवला असल्याचे पोलिसांकडून सांगण्यात आले आहे. वृत्तसंस्था ANI ने पोलिस सूत्रांच्या हवाल्याने सांगितले की, या प्रकरणी मुंबईच्या गमदेवी पोलिस स्टेशनमध्ये कलम ३८७ आणि कलम ५०६ (२) अन्वये गुन्हा दाखल करण्यात आला आहे.
धमकी देणाऱ्या व्यक्तीने मुकेश अंबानींकडे २० कोटी रुपयांची मागणी केली आणि जर पैसे दिले नाहीत तर अंबानी यांना ठार मारण्याची धमकी देण्यात आली आहे.
धमकी देणाऱ्या व्यक्तीने मुकेश अंबानींकडे २० कोटी रुपयांची मागणी केली आणि जर पैसे दिले नाहीत तर अंबानी यांना ठार मारण्याची धमकी देण्यात आली आहे.
पोलिसांकडून तपास सुरु
मीडिया रिपोर्ट्सनुसार, धमकी देणाऱ्या ईमेलमध्ये लिहिले आहे की, ‘जर तुम्ही आम्हाला २० कोटी रुपये दिले नाहीत तर आम्ही तुम्हाला मारून टाकू, आमच्याकडे भारतातील सर्वोत्तम शूटर आहेत.’ असा ईमेल मिळाल्यानंतर मुकेश अंबानी यांच्या सुरक्षा प्रभारींनी तक्रार केली आणि या आधारे मुंबईच्या गमदेवी पोलिसांनी अज्ञात व्यक्तीविरुद्ध गुन्हा दाखल करून तपास सुरू करण्यात आला आहे.
नीता अंबानी यांना किती पगार मिळायचा? रिलायन्सच्या संचालक म्हणून इतके लाख फी अन् कमिशनही कोटीत
गेल्या वर्षीही धमकी मिळालेली
दरम्यान, मुकेश अंबानींना धमकी मिळण्याचीही पहिलीच वेळ नाही. गेल्या वर्षी गेल्या वर्षी बिहारमधील दरभंगा येथील एका व्यक्तीला मुकेश अंबानी आणि त्यांच्या कुटुंबीयांना जीवे मारण्याची धमकी दिल्याप्रकरणी अटक करण्यात आली होती. राकेश कुमार मिश्रा असे या आरोपीचे नाव असून तो बेरोजगार असून त्याने मुकेश अंबानी यांच्या कुटुंबियांना मुंबईतील सर एचएन रिलायन्स फाउंडेशन हॉस्पिटल उडवून देण्याची धमकीही दिली होती. तर फेब्रुवारी २०२१ मध्ये मुकेश अंबानी यांच्या दक्षिण मुंबईतील अँटिलिया निवास स्थानाबाहेर २० स्फोटक जिलेटिन काठ्या आणि धमकीचे पत्र असलेली स्कॉर्पिओ कार सापडली होती. पत्रात “हा फक्त ट्रेलर आहे” असे लिहिले होते.