पश्चिम रेल्वेवर चेंगराचेंगरीसदृश स्थिती, शेकडो लोकल फेऱ्या रद्द ; प्रवाशांची प्रचंड गर्दी

या प्रस्तावित मार्गाच्या डावीकडील भुयारी मार्गाची आधी सागरी किनारा मार्गास जुळणी होणार होती. मात्र आता त्याऐवजी हा मार्ग सागरी किनारा मार्गाखालून पुढे दक्षिण दिशेस नेण्याचे प्रस्तावित करण्यात आले. त्यामुळे सागरी किनारी मार्गास होणारी जुळणी टाळता येणे शक्य झाले व सागरी किनारा मार्गाची वाहतूक सुरक्षितपणे शक्य होणार आहे. या सुधारीत मार्गरेषेमुळे प्रकल्पाची लांबी ८,२५१ मीटरऐवजी ९,२३९ मीटर इतकी झाली असून, त्यामुळे कामाच्या स्वरूपात सुमारे ९८८ मीटर लांबीची वाढ झाली आहे. याखेरीज मरीन ड्राइव्ह येथे वाहतुकीच्या नियमनासाठी किनारा भागात सुमारे ३५० मीटर लांबीचा अतिरिक्त भराव टाकण्याचेदेखील प्रस्तावित आहे.

सुधारित खर्च ८,७४२ रुपये

या प्रकल्पाचा एकूण अंदाजित खर्च ८,०५६ कोटी रुपये इतका होता. त्याच्या बांधकाम किंमतीत आकस्मिक बाबी, भूसंपादन आणि पुनर्वसन खर्च, दरवाढ किंमतीतील फरक, प्रकल्प व्यवस्थापन सल्लागार खर्च तसेच वस्तू सेवा कर इत्यादी बाबींचा अंतर्भाव होता. मात्र आता प्रकल्प स्वरूपात बदल व सुधारणा करण्यात आल्याने प्रकल्पाची सुधारित अंदाजित किंमत ८,७४२ कोटी रुपये इतकी झाली आहे. तसेच प्रकल्पाचा बांधकाम कालावधीही ४८ महिन्यांऐवजी ५४ महिने इतका करण्यात आला असल्याचे एमएमआरडीएने म्हटले आहे. हेच प्रकल्पखर्चवाढीचे मुख्य कारण ठरले आहे.

Read Latest Maharashtra News And Marathi News