म. टा. प्रतिनिधी, पुणे: दिवाळीच्या काळात पुण्यातून लांब पल्ल्याच्या धावणाऱ्या सर्व रेल्वे गाड्या फुल्ल झाल्या असून अनेक गाड्यांना हजारोंचे वेटींग असल्याचे दिसून आले आहे. त्यामुळे पुणे रेल्वे विभागाने काही मार्गावर विशेष गाड्या सोडण्याची मागणी रेल्वे बोर्डाकडे केली आहे.
पुण्यात नोकरी, व्यवसाय आणि शिक्षणाच्या निमित्ताने राहणाऱ्या नागरिकांची संख्या मोठी आहे. दिवाळीच्या सणांसाठी हे नागरिक त्यांच्या मूळ गावी जातात. त्यामुळे या नागरिकांकडून अगोदरच रेल्वेचे बुकींग केले जाते. त्यातही रेल्वेचा प्रवास हा सुरक्षित व स्वस्तामध्ये असते. त्यामुळे नागरिकांकडून रेल्वेला प्राधान्य दिले जाते. त्यामुळेच दिवाळीच्या काळात पुण्यातून वेगवेगळ्या शहरात जाणाऱ्या सर्व रेल्वे गाड्यांचे बुकींग फुल्ल झाले आहे. काही गाड्यांना तर ११ हजारांचे वेटींग दाखवत आहे. नागरिकांना गावी कसे जायचे असा प्रश्न निर्माण झाला आहे.
पुण्यात नोकरी, व्यवसाय आणि शिक्षणाच्या निमित्ताने राहणाऱ्या नागरिकांची संख्या मोठी आहे. दिवाळीच्या सणांसाठी हे नागरिक त्यांच्या मूळ गावी जातात. त्यामुळे या नागरिकांकडून अगोदरच रेल्वेचे बुकींग केले जाते. त्यातही रेल्वेचा प्रवास हा सुरक्षित व स्वस्तामध्ये असते. त्यामुळे नागरिकांकडून रेल्वेला प्राधान्य दिले जाते. त्यामुळेच दिवाळीच्या काळात पुण्यातून वेगवेगळ्या शहरात जाणाऱ्या सर्व रेल्वे गाड्यांचे बुकींग फुल्ल झाले आहे. काही गाड्यांना तर ११ हजारांचे वेटींग दाखवत आहे. नागरिकांना गावी कसे जायचे असा प्रश्न निर्माण झाला आहे.
पुण्यातून दानापूरला जाणाऱ्या रेल्वे गाडीला सर्वाधिक मागणी असल्याचे दिसून आले आहे. या गाडीला ११ हजारांचे वेटींग असल्याचे दिसून आले आहे. तर, नागपूरला जाणाऱ्या रेल्वे गाड्यांना सात हजारांचे वेटींग आहे. तसेच, इंदोरसाठी पाच हजार, नांदेडसाठी तीन हजारांचे वेटींग आहे. त्यामुळे नागरिकांकडून दिवाळीच्या काळात विशेष गाड्या सोडण्याची मागणी केली जात होती. त्यामुळे रेल्वे प्रशासनाने आता दानापूर व उत्तर भारतामध्ये काही विशेष गाड्या सोडण्याची मागणी केली आहे. पण, दिवाळीच्या काळात उत्तर भारतामध्ये गाड्यांची संख्या जास्त असते. त्यामुळे या विशेष गाड्यांना परवानगी मिळेल याची शक्यता कमी असल्याचे बोलले जात आहे. यामध्ये प्रवाशांचे हाल होत आहेत.
Read Latest Maharashtra News And Marathi News