दरम्यान या बंद दाराआड भेटी संदर्भात मिटकरींना विचारले असता ही कुठल्याही प्रकारची बंद द्वार आणि राजकीय भेट नव्हती. धम्म चक्र परिवर्तन दिन आणि दसऱ्याच्या शुभेच्छा देण्यासाठी बाळासाहेबांना सलग पाच वर्षापासून त्यांच्या निवासस्थानी भेटण्यासाठी येत असतो आणि यंदाही आलो आहे. राजकीय दृष्टिकोनातून हे भेट नसून सामाजिक दृष्टिकोनातून ही भेट असल्याचं आपण समजावं, याशिवाय साहेबांना पुस्तक भेट दिली होती त्यावरही चर्चा झाली, असेही मिटकरी म्हणाले.

लेकरं बिलगली, बाप भावूक; रोहित पवार युवा संघर्ष यात्रेला, घरातून निघताना गहिवरले
शरद पवार आणि आंबेडकर यांच्या भेटीच्या पार्श्वभूमीवर आजच्या भेटीला विशेष महत्त्व ठरणार आहे का? यावर त्यांना विचारले असता, ते म्हणाले की डॉ. बाबासाहेब आंबेडकर यांच्या प्रॉब्लेम्स ऑफ रुपी प्रबंधाला शंभर वर्ष पूर्ण झाली असून या निमित्ताने आयोजित कार्यक्रमाला प्रकाश आंबेडकर उपस्थित होते. त्यावेळी सुप्रिया सुळे यांनी कॉफी घेण्याची विनंती केली. त्या विनंतीवरुन शरद पवार आणि बाळासाहेबांसह दहा ते बारा जणांनी कॉफी घेतली. पण त्या कॉफीच्या भेटीचा आणि माझ्या आजच्या भेटीचा दूरदूरपर्यंत कुठलाही संबध नाहीये.

दसरा मेळाव्याच्या तोंडावर ठाकरेंना होमपीचवरच धक्का, विधानसभा लढवलेल्या नेत्याचा रामराम

राहिला प्रश्न भेटीचा. ही भेट फक्त सामाजिक दृष्टिकोनातूनच होती, कारण मी राजकीय नेता पदाधिकारी म्हणून कधीच बाळासाहेबांना भेटत नाहीये. बाबासाहेबांचे वारस, मग ते छत्रपती शिवाजी महाराजांचे वारस उदयनराजे महाराज या दोघांनाही नेहमी आदरतेने भेट असतो. त्यात बाळासाहेबांसोबत चर्चा करताना राजकीय चर्चा करावी तितका मी मोठा माणूस नाहीये, कारण त्यांचा राजकीय व्यासंग फार मोठा आहे, आजची भेट फक्त सदिच्छा भेट होती, धम्मचक्र प्रवर्तक दिनाच्या शुभेच्छा देण्यासाठी त्यांना भेटलो, असेही ते म्हणाले.

या भेटीवर आंबेडकर म्हणाले

या भेटी संदर्भात पत्रकारांनी आंबेडकरांना विचारले असता, ते बोलले की ही भेट विजयादशमी निमित्त होती, विजयादशमी आणि धम्मचक्र परिवर्तन दिनाच्या शुभेच्या देण्यासाठी मिटकरी आले होते, विशेष म्हणजे शुभेच्छा देण्यासाठी आले असतानाही तुम्ही त्याला राजकीय भेट देत असाल तर हे दुर्दैवी आहे, असे आंबेडकर म्हणाले.

Read Latest Maharashtra News And Marathi News