खुद्द पोलीस आयुक्त डॉ राजेंद्र माने यांनी कडेकोट सुरक्षा तैनात केली होती.मोठी सुरक्षा भिंत तोडून भीम आर्मीच्या अजय मैनदर्गीकर याने शाई फेकली. चंद्रकांत पाटलांचा पांढऱ्या शर्टवर शाई फेकल्याने एकच गोंधळ निर्माण झाला होता. पोलीस बंदोबस्त साठी असलेल्या पोलिसांनी ताबडतोब अजयला ताब्यात घेतले.त्यावेळी त्याच्या हातात काळे झेंडे होते.
चंद्रकांत पाटलांना निवेदन देण्यासाठी आलेल्या शेखर बंगाळेला पोलिसांनी ताब्यात घेतलं
धनगर कृती समितीचे शेखर बंगाळे हे पालकमंत्री चंद्रकांत पाटील यांना निवेदन देण्यासाठी रविवारी सायंकाळी शासकीय विश्रामगृह येथे आले होते.कोणत्याही प्रकारचा अनुचित प्रकार घडू नये यासाठी सोलापूर पोलीस आयुक्त डॉ. राजेंद्र माने स्वतः तळ ठोकून बसले होते.पोलिसांचा मोठा फौजफाटा शासकीय विश्रामगृह येथे येणाऱ्या प्रत्येकाची कसून चौकशी व झाडाझडती करत होता.धनगर कृती समितीचे शेखर बंगाळे यांनी तत्कालीन पालकमंत्री राधाकृष्ण विखे पाटील यांवर निवेदन देण्याचा बहाणा करून भंडारा उधळला होता. त्यामुळे सावध भूमिका बाळगत सोलापूर पोलिसांनी शेखर बंगाळे आणि त्यासोबत असलेल्या कार्यकर्त्यांना ताब्यात घेतले.शेखर बंगाळे व त्याचे कार्यकर्ते पोलिसांना समजून सांगत होते,परंतु सोलापूर पोलिसांनी काहीही न ऐकता,चंद्रकांत पाटील शासकीय विश्रामगृह येथे येण्या अगोदर शेखरला ताब्यात घेऊन सदर बाजार पोलीस ठाण्याकडे नेले.
पोलिसांकडून कडक बंदोबस्त पण..
सोलापूरचे माजी पालकमंत्री राधाकृष्ण विखे-पाटील यांच्यावर धनगर समाज कृती समितीच्या कार्यकर्त्यांनी काही दिवसांपूर्वी भंडारा उधळला होता. या प्रकरणानंतर सोलापूर शहर पोलीस दल सतर्क झाले होते. रविवार आणि सोमवार असे दोन दिवस सोलापूर जिल्ह्याचे पालकमंत्री चंद्रकांत पाटील सोलापूर दौऱ्यावर आले आहेत.चंद्रकांत पाटील दोन दिवस सोलापूर दौऱ्यावर असताना कोणताही अनुचित प्रकार घडू नये याची काळजी सोलापूर पोलिसांनी घेतली होती. सोलापूर शहर पोलीसांनी सुरक्षेच्या कारणास्तव काही मोजक्याच कार्यकर्त्यांना शासकीय विश्रामगृहात प्रवेश दिला होता. मात्र, भीम आर्मीच्या कार्यकर्त्यानं चंद्रकांत पाटील यांच्यावर शाई फेकत खासगीकरणाविरोधात घोषणा दिल्या.
Read Latest Maharashtra News And Marathi News