विनीत जांगळे, ठाणे : जीवघेण्या आगीच्या ज्वाळा…काळ्याकुट्ट धुराचे लोट आणि इमारतीचे तळघर असो वा जिने अशा आव्हानात्मक परिस्थितीतही आग विझवणाऱ्या रोबोचे प्रात्यक्षिक ठाण्याच्या बाळकूम अग्निशमन केंद्रात करण्यात आले. या अत्याधुनिक रोबोमुळे अग्निशमन दलातील जवानांच्या जीवावर बेतणाऱ्या आगीत सफाईदारपणे व जलदगतीने परिस्थिती नियंत्रणात आणली जाणार आहे. कोटींच्या घरात किंमत असलेल्या या रोबोचे प्राथमिक प्रात्यक्षिक पार पडले असून भविष्यात प्रशासकीय मंजुरी मिळाल्यानंतर हा रोबो ठाणे महापालिकेच्या अग्निशमन दलात सामील होणार आहे. त्यामुळे येत्या काळात अग्नितांडवात ‘रोबो’ जीवाची बाजी लावून सर्वसामान्यांचे जीव वाचवणार आहे.
ठाणे शहरात गेल्या काही वर्षांत उंचच उंच इमारती, व्यावसायिक संकुले उभी राहत आहेत. अरुंद गल्ल्यांमध्ये मोठ्या प्रमाणात काचेचा वापर असलेल्या या इमारतींमधील आगीवर नियंत्रण मिळवण्यात अग्निशमन दलाच्या जवानांना प्रसंगी जीव धोक्यात घालावा लागतो. तसेच धुरात या आगीवर नियंत्रण मिळवण्यात अडचणी येतात. या परिस्थितीवर मात करण्यासाठी फायर रोबो निश्चित उपयुक्त ठरणार आहे. मुंबई व केरळच्या अग्निशमन दलात उत्तम कामगिरी बजावणाऱ्या या रोबोचे प्रात्यक्षिक ठाणे पालिकेच्या अग्निशमन दलातील अधिकारी व कर्मचाऱ्यांच्या उपस्थितीत पार पडले. तब्बल १२ तासांची बॅटरी क्षमता असलेला हा रोबो गोरेगाव येथील नॅस्को एक्झिबिशन सेंटरमधील एका प्रदर्शनात मांडण्यात आला होता. त्या कंपनीच्या पथकाकडून या रोबोचे प्रात्यक्षिक तसेच त्याचा वापर कसा करावा, याची माहिती ठाणे अग्निशमन दलाच्या कर्मचाऱ्यांना ठाणे पालिकेचे मुख्य अग्निशमन अधिकारी गिरीश झळके यांच्या उपस्थितीत देण्यात आली.
ठाणे शहरात गेल्या काही वर्षांत उंचच उंच इमारती, व्यावसायिक संकुले उभी राहत आहेत. अरुंद गल्ल्यांमध्ये मोठ्या प्रमाणात काचेचा वापर असलेल्या या इमारतींमधील आगीवर नियंत्रण मिळवण्यात अग्निशमन दलाच्या जवानांना प्रसंगी जीव धोक्यात घालावा लागतो. तसेच धुरात या आगीवर नियंत्रण मिळवण्यात अडचणी येतात. या परिस्थितीवर मात करण्यासाठी फायर रोबो निश्चित उपयुक्त ठरणार आहे. मुंबई व केरळच्या अग्निशमन दलात उत्तम कामगिरी बजावणाऱ्या या रोबोचे प्रात्यक्षिक ठाणे पालिकेच्या अग्निशमन दलातील अधिकारी व कर्मचाऱ्यांच्या उपस्थितीत पार पडले. तब्बल १२ तासांची बॅटरी क्षमता असलेला हा रोबो गोरेगाव येथील नॅस्को एक्झिबिशन सेंटरमधील एका प्रदर्शनात मांडण्यात आला होता. त्या कंपनीच्या पथकाकडून या रोबोचे प्रात्यक्षिक तसेच त्याचा वापर कसा करावा, याची माहिती ठाणे अग्निशमन दलाच्या कर्मचाऱ्यांना ठाणे पालिकेचे मुख्य अग्निशमन अधिकारी गिरीश झळके यांच्या उपस्थितीत देण्यात आली.
जिने चढणार… पाणीही मारणार
आग लागलेल्या इमारतीचे जिनेही हा रोबो चढून जातो. बाळकूम अग्निशमन केंद्राचे दोन जिने काही क्षणात चढण्यासह उतरण्याचे प्रात्यक्षिक या रोबोने सादर केले. तसेच होज पाइपच्या साह्याने आगीवर पाण्याचा माराही रोबोने करून दाखवला. आगीच्या अत्यंत जवळ जाऊन हा रोबो आगीवर पाण्याचा मारा करू शकतो. ज्याठिकाणी अग्निशमन दलाचे जवान धुरात गुदमरण्याची शक्यता असते, अशा ठिकाणी पोहचून हा रोबो आग आटोक्यात आणू शकतो.
दुर्घटनांमध्ये होणार मोलाची मदत
ठाण्याच्या घोडबंदर रोडवरील ओरियन बिझनेस पार्कमध्ये झालेल्या अग्निकल्लोळात हा रोबो मोलाची भूमिका बजावू शकला असता. भिवंडीतील गोदामे, इमारतींच्या बेसमेंटमध्ये आगीचा भडका उडाल्यानंतर त्या धुरात सहजरित्या शिरून रोबो आग आटोक्यात आणू शकतो .