नाशिकः नाशिक पुन्हा एकदा खुनाच्या घटनेने हादरले असून शहरातील पंचवटी परीसरात असलेल्या मखमलाबाद नाका येथे कुसुमाग्रज उद्यानाजवळ एका युवकावर पूर्ववैमनस्यातून टोळक्याने चाकूहल्ला केला. या हल्ल्यात सागर विष्णू शिंदे (वय २८, रा. मखमलाबाद नाका) या युवकाचा मृत्यू झाला असून या घटनेने परीसरात खळबळ उडाली आहे.
याबाबत मिळालेली अधिक माहिती अशी की, सागर विष्णू शिंदे याचे याच परिसरात राहणाऱ्या केदार साहेबराव इंगळे याच्याशी वाद झाले होते. शुक्रवारी दुपारी मयत सागर शिंदे आणि त्याचा मित्र आकाश इंगळे, योगेश वाघ हे याच परिसरातील एका बंद गोडाऊनजवळ बसून मद्यपान करीत होते. ही माहिती केदार साहेबराव इंगळे यास समजताच इंगळे याने ऋषिकेश आहेर आणि अन्य काही मित्रांसह गोडाऊनजवळ धाव घेतली. यावेळी, सागर शिंदे आणि इंगळे यांच्यात बाचाबाची होऊन सागरवर चाकूहल्ला करून हल्लेखोर टोळके पसार झाले.
याबाबत मिळालेली अधिक माहिती अशी की, सागर विष्णू शिंदे याचे याच परिसरात राहणाऱ्या केदार साहेबराव इंगळे याच्याशी वाद झाले होते. शुक्रवारी दुपारी मयत सागर शिंदे आणि त्याचा मित्र आकाश इंगळे, योगेश वाघ हे याच परिसरातील एका बंद गोडाऊनजवळ बसून मद्यपान करीत होते. ही माहिती केदार साहेबराव इंगळे यास समजताच इंगळे याने ऋषिकेश आहेर आणि अन्य काही मित्रांसह गोडाऊनजवळ धाव घेतली. यावेळी, सागर शिंदे आणि इंगळे यांच्यात बाचाबाची होऊन सागरवर चाकूहल्ला करून हल्लेखोर टोळके पसार झाले.
दरम्यान, मयत सागर शिंदे याचे मारेकरी केदार इंगळे यांच्या वडिलांशी वाद झाले होते. या वादात सागर शिंदे यांनी केदार इंगळेच्या वडिलांना मारहाण केल्याची माहिती सूत्रांनी दिली आहे. वडिलांना मारहाण केल्याचा राग मनात धरून केदार इंगळे आणि त्याचे इतर अन्यसाथीदारांनी सागर शिंदे याच्यावर सशस्त्र हल्ला केला. या हल्ल्यात सागर शिंदेच्या मानेवर आणि तोंडावर वार करण्यात आले आहे. वर्मी घाव लागल्याने सागर शिंदे यांचा जागीच मृत्यू झाला आहे. तसेच, सागर शिंदे यांच्या गाडीची देखील तोडफोड मारेकर्यांनी केली आहे.
रस्ता बनवत होते, अचानक जमिनीखालून असं काही निघालं की सारेच हादरले, २०० वर्षांपूर्वीचा इतिहास उलगडणार
या हल्ल्यात चाकूचे अनेक वार झाल्यामुळे सागर शिंदे याला हे घाव वर्मी लागले आणि त्यात तो मरण पावला. या घटनेची माहिती मिळताच पोलिसांनी घटनास्थळी धाव घेत पाहणी केली. या हल्ल्याप्रकरणी पंचवटी पोलिस ठाण्यात गुन्हा दाखल करण्याचे काम सुरू असून पोलिस हल्लेखोरांचा शोध घेत असल्याची माहिती सूत्रांकडून मिळाली आहे. या घटनेने नाशिक शहर पुन्हा हादरले आहे. शहरातील गुन्हेगारी दिवसेंदिवस वाढत चालली असून दिवसाढवळ्या युवकाची हत्या झाल्याने नागरिकांमध्ये भीतीचे वातावरण पसरले आहे.