नागपूर: नागपूर-जबलपूर राष्ट्रीय महामार्गावरील बोरडा शिवारातील टोलनाक्याजवळील बस स्टॉपवरील बाकावर मंगळवारी दुपारच्या सुमारास एका होमगार्डची हत्या करण्यात आली. त्यानंतर आरोपींनी पुरावा नष्ट करण्यासाठी आणि पोलिसांची दिशाभूल करण्यासाठी मृतदेह मध्य प्रदेशात नेला. रस्त्याचा कडेला असलेल्या बाकावर ठेवला. मात्र, काही तासातच या हत्येचा उलगडा झाला आणि पोलिसांनी मध्य प्रदेशातून मृतदेह ताब्यात घेतला. आशिष दिलीप पाटील (२७, नवीन गोंदेगाव, पारशिवनी) असे मृतकाचे नाव आहे. आशिष हा पारशिवनी पोलिस ठाण्यात होमगार्ड म्हणून कार्यरत होता. तर कुणाल नाईक, सुमित गजभिये आणि आशिष नगदिवे ऊर्फ डांगा असे आरोपींची नावं आहे.

मिळालेल्या माहितनुसार, मंगळवारी दुपारी बोरडा शिवारातील नवीन गोंदेगाव फाटा परिसरातील बस स्टॉपचा बाकावर आणि जमिनीवर नागरिकांना मोठ्या प्रमाणात रक्ताचे लोट पडलेले दिसले. त्यामुळे त्यांनी तत्काळ याची माहिती पोलिसांना देण्यात आली. घटनेची माहिती मिळताच पोलिस घटनास्थळी पोहोचून पाहणी केली असता एक मोटारसायकल क्रमांक एमएच-४० सीके-६०७८ चावीसह तिथे आढळून आली. ही मोटारसायकल आशिषची असल्याचे स्पष्ट होताच पोलिसांनी त्याचा शोध सुरू केला. असता मध्यप्रदेशातील तिरोडी जिल्हा बालाघाट येथे एका कारमध्ये तरूणाचा मृतदेह मिळाल्याची माहिती मिळताच पोलिसांनी त्याचा माग काढला आणि मृतदेह ताब्यात घेऊन कन्हान पोलिस ठाण्यात आणला. अनैतिक संबंधातून ही हत्या केल्याचे सांगण्यात येत आहे.

नागपुरात खोदकाम करताना देवीचा मुखवटा निघाला, व्हिडीओ व्हायरल होताच भाविकांची तुफान गर्दी
मध्य प्रदेशातील तिरोडी जिल्हा बालाघाट येथे एमएच-३१, सीएन-६२४० क्रमांकाच्या पार्क केलेल्या कारमध्ये मृतदेह आढळून आला. त्या गाडीचे चाक पंक्चर झाले असल्याने आणि कारमध्ये स्टेपणी नसल्याने आरोपी मृतदेह रस्त्यावर टाकून पळून गेले असल्याचे सांगण्यात येत आहे. पोलिसांनी कार जप्त करुन आरोपींना शोध घेत आहे.

फेसबुकवरील प्रेम ‘लिव्ह इन’पर्यंत आलं, संशयाचं भूत डोक्यात शिरलं, एकाच वादात सगळं संपवलं!