राजकारणात सक्रिय झाल्यानंतर अजित पवार यांनी सहकारच्या राजकारणात आपलं पाहिलं पाऊल टाकत १९९१ साली पुणे जिल्हा मध्यवर्ती बँकेचे संचालक पद स्विकारले होते. त्यानंतर सलग ३२ वर्ष अजित पवारांनी ही जबाबदारी पार पाडली. या कालावधीत अजित पवार अजित पवार यांनी चार वेळेस उपमुख्यमंत्री पद भूषविले. त्यानंतर आता पाचव्यांदा शिंदे-फडणवीस सरकारमध्ये उपमुख्यमंत्री पदाची जबाबदारी मिळाली आहे. मात्र यावेळेस अजित पवारांनी कामाचा लोड असल्याचे कारण देत थेट जिल्हा बँकेच्या संचालक पदाचा राजीनामा दिला आहे.
कामाचा मोठा आवका असलेल्या अजित पवारांच्या या निर्णयाने सर्वांच्याच भुवया उंचवल्या आहेत. तर दुसरीकडे आपले पुत्र पार्थ पवार यांच्या रिलाँचिंगसाठीच अजित पवारांनी राजीनामा देण्याचा निर्णय घेतल्याच्या चर्चा सुरु झाल्या आहेत. कारण आता अजित पवारांच्या जागेवर आता पार्थ पवार पुणे जिल्हा माध्यवर्ती बँकेचे संचालक होणार असल्याची माहिती विश्वसनीय सूत्रांनी दिली आहे. निवडणूक प्राधिकरणाने निवडणूक जाहीर केल्या नंतर ही निवडणूक लागणार आहे. बारामती तालुका अ वर्ग मतदारसंघातून पार्थ पवार संचालक होणार आहेत. यासाठी संचालक मंडळ मतदान करणार आहे.
Read Latest Maharashtra News And Marathi News
अजित पवार यांनी राष्ट्रवादीचा एक मोठा गट घेऊन शिंदे – फडणवीस सरकारमध्ये सहभागी होण्याचा निर्णय घेतल्यानंतर अजित पवारांचे पुत्र पार्थ पवार हे जागोजागी अजित पवारांच्या सोबत दिसतं आले आहेत. काही दिवसांपूर्वी पुण्यात झालेल्या अजित पवारांच्या रोड शो मध्ये देखील पार्थ पवार हे सक्रिय सहभागी झाल्याचं पाहायला मिळाले होते. २०१९ साली झालेल्या लोकसभा निवडणुकीत पार्थ पवार यांचा पुणे जिल्ह्यातील मावळ मतदारसंघातून पराभव झाला होता. त्यानंतर पार्थ पवार सक्रिय राजकारणातून गायब झाले होते. मात्र अजित पवारांनो वेगळी वाट निवडल्यानंतर आता पार्थ पवार पुन्हा राजकीय व्यासपीठावर दिसू लागले आहेत. तर आता स्वतः अजित पवारांनी पार्थ यांच्या रिलाँचिंगसाठी राजीनामा दिल्याच्या चर्चा सुरु झाल्या आहेत.