पुणे: पोलिस भरतीची तयारी करणाऱ्या उरुळी कांचन (ता. हवेली) येथील २५ वर्षीय तरुणीने राहत्या घरी ओढणीच्या सहाय्याने गळफास घेऊन आत्महत्या केल्याची घटना घडली आहे. सोनाली धनाजी धुमाळ (वय-२५, रा. टिळेकरमळा, उरुळी कांचन, ता. हवेली) असे आत्महत्या केलेल्या तरुणीचे नाव आहे.
याप्रकरणी लोणी काळभोर पोलिस ठाण्यात आकस्मित मृत्यूची नोंद करण्यात आली आहे. उरुळी कांचन ग्रामपंचायत हद्दीतील टिळेकरमळा परिसरातील जिल्हा परिषद शाळेजवळ सोमवारी (ता.९) ही घटना घडली आहे.
याप्रकरणी लोणी काळभोर पोलिस ठाण्यात आकस्मित मृत्यूची नोंद करण्यात आली आहे. उरुळी कांचन ग्रामपंचायत हद्दीतील टिळेकरमळा परिसरातील जिल्हा परिषद शाळेजवळ सोमवारी (ता.९) ही घटना घडली आहे.
मिळालेल्या माहितीनुसार, सोनाली हिचे काही वर्षापूर्वी लग्न झाले होते आणि तिचा घटस्फोटही झाला होता. त्यामुळे ती उरुळी कांचन या ठिकाणी आपल्या आई-वडिलांबरोबर राहत होती. तसेच, मागील काही दिवसांपासून ती बारामती येथील पोलिस भरती प्रशिक्षण केंद्रात पोलिस भरतीची तयारीही करत होती.
एक फोन अन् पोलिस फ्लॅटचं दार तोडून आत शिरले, बेडवर आईसह दोन मुलांचे मृतदेह, घडलं काय?
सोमवारी घरी कोणी नसताना सकाळी ९ ते ४ या दरम्यान सोनालीने ओढणीच्या सहाय्याने गळफास घेऊन आत्महत्या केल्याची घटना उघडकीस आली. घटनास्थळी लोणी काळभोर पोलिसांनी भेट दिली असून, पोलिस ठाण्यात आकस्मित मृत्यूची नोंद करण्यात आली आहे. घटनेचा अधिक तपास लोणी काळभोर पोलिस करीत आहेत.