याबाबत अधिक माहिती अशी की, ताथवडे येथे साधारण ११.३० ते ११.४५ चा सुमारास एका टँकरला भीषण आग लागलेली आहे. टँकरमध्ये नेमके काय होतं याची अधिकृत माहिती नसली तरी, एका मोठ्या गॅस टँकरमधून गॅस सिलिंडरमध्ये अवैधरित्या गॅस भरत असताना स्फोट होऊन आगीची घटना घडल्याची प्राथमिक माहिती आहे.
काहीवेळ एकामागोमाग स्फोटाचा आवाज आल्यानं परिसरात दहशत पसरलेली होती. घटनेची माहिती मिळताच अग्निशमन दलाचे जवान घटनास्थळी पोहचले आहे. त्यांनी आग नियंत्रणात आणली असून आगीवर नियंत्रण देखील मिळवले आहे. यात कोणतीही जीवितहानी झाली नसल्याचे सांगण्यात आले आहे. आगीचे कारण अद्याप समजलेले नसून सुदैवाने अजून तरी जीवितहानीबाबत कोणतीही माहिती समोर आलेली नाही.
या घटनेत यात तीन ते चार स्कूल बसही जळून खाक झालेल्या असून आता आग आटोक्यात आलेली असून कुलिंग ऑपरेशन सुरू झालेलं आहे. मात्र, ही आग लागल्याने तिने ते चार मोठे स्फोट होऊन आग हवेत पसरली होती. त्यामुळे आजूबाजूच्या नागरिकांत भीतीचे वातावरण निर्माण झाले होते. या घटनेने काही वेळ या भागात गर्दी देखील झाल्याचे पाहायला मिळाले.
या स्फोटामुळे घरं हादरली असून जेएसपीएम कॉलेजमधील होस्टेलमध्ये राहणारी अनेक मुले रस्त्यावर उतरलेले आहेत. हे सध्या वेगवेगळ्या हॉस्टेलमध्ये राहतात. जिथे घटना घडली त्याच्या बाजूला असणारी सोसायटी पूर्णपणे हादरली असून स्फोटामुळे नागरिक घाबरलेले आहेत. रस्त्यावर मोठी गर्दी झाली आहे.