शुक्रवारी रात्रभर शहरात मुसळधार पाऊस सुरू होता. सतत सुरू असलेल्या पावसामुळे शहरातील अनेक भाग पाण्याखाली गेलेले दिसून आले होते. संततधार पाऊस पाहता प्रशासनही सक्रिय झाले आहे. जिल्हाधिकाऱ्यांनी शनिवारी सुट्टी जाहीर केली होती. यासोबतच नागरिकांना गरज असेल तेव्हाच घराबाहेर पडण्याचे आवाहन करण्यात आले होते. गेल्या दशकभरातही नागपूरकरांनी एका दिवसात एवढा पाऊस अनुभवला नाही. गेल्या वर्षी १३ सप्टेंबर रोजी २४ तासांत सर्वाधिक १२७.४ मिमी पाऊस पडला होता. विशेष म्हणजे, अनेक वर्षांतील सप्टेंबरमधील पावसापेक्षा शनिवारी २४ तासांत जास्त पाऊस झाला आहे.