मुबलक तरी विक्री नाही

या निर्माल्य रथांद्वारे झोननिहाय सार्वजनिक गणेश मंडळांतील श्रीगणेशाचे निर्माल्य श्रद्धापूर्वक संकलित केले जाईल व शास्त्रोक्त पद्धतीने त्यावर प्रक्रिया करून त्यापासून खतनिर्मिती केली जाईल. यासाठी महापालिकेकडून भांडेवाडी येथे विशेष व्यवस्था करण्यात आली आहे. निर्माल्यावर यावर शास्त्रोक्त पद्धतीने प्रक्रिया करण्यात येते. या प्रक्रियेत निर्माल्यात मिश्रीत असलेले इतर साहित्य काढण्यात येते व त्यापासून खतनिर्मिती करण्यात येते. याठिकाणी तयार होणारे जवळपास १५ ते २० टन खत महापालिकेच्या उद्यानांमध्ये वापरण्यात येते. मुबलक प्रमाणात खत उपलब्ध असले तरी याची विक्री महापालिकेकडून करण्यात येत नाही.

रथातच द्या आणून!

महापालिकेकडून शहरातील जलाशयांमध्ये मूर्ती विसर्जनावर बंदी लावण्यात आली आहे. विसर्जनासाठी शहरात विविध ठिकाणी कृत्रिम तलावांची व्यवस्था करण्यात आली आहे. याठिकाणी निर्माल्याचे संकलन करण्यात येत आहे. त्यामुळे नागरिकांनी निर्माल्य त्याठिकाणी हस्तांतरित करावे. इतरत्र कुठेही टाकू नये असे आवाहन महापालिकेकडून करण्यात आले आहे.
नागपुरातील टेकडी गणेश मंदिरात होते निर्माल्यापासून धूपनिर्मिती, हार-फुलांचा असाही सदुपयोग
येथे साधा संपर्क

लक्ष्मीनगर, धरमपेठ, हनुमाननगर, धंतोली आणि नेहरूनगर झोनमध्ये एजी एन्व्हायरो एजन्सीद्वारे निर्माल्य रथांची व्यवस्था असून यासाठी १८००२६७७९६६ हा क्रमांक तर गांधीबाग, सतरंजीपुरा, लकडगंज, आशीनगर आणि मंगळवारी या झोनसाठी बीव्हीजी एजन्सीद्वारे १८००२६६२१०१ असा क्रमांक जारी करण्यात आला आहे.