नागपुरात राष्ट्रीय स्वयंसेवक संघाचे मुख्यालय असल्याने केंद्राविरुद्ध बिगुल फुंकणे आणि दीक्षाभूमीमुळे लोकशाही व संविधान बचावची घोषणा करण्यासाठी येथे सभा व्हावी, यासाठी काँग्रेस नेत्यांनी प्रयत्न सुरू केले. उपराजधानीतील सभेचा शंखनाद देशाच्या चारही दिशांनी घुमतो, अशी भूमिका काँग्रेसच्या बहुतांश नेत्यांची आहे.
हरदीपसिंग निज्जरच्या हत्येनंतर कॅनडातील वातावरण तापलं, परराष्ट्र मंत्रालयाकडून भारतीयांना महत्त्वाची सूचना
इंडिया आघाडीची सभा नागपुरात झाल्यास त्यातून देशाच्या कानाकोपऱ्यात सूचक संदेश जाईल. देशातील प्रमुख चळवळीचे केंद्र नागपूर राहिले आहे. पक्षाध्यक्ष मल्लिकार्जुन खरगे व पक्षाच्या अन्य प्रमुख नेत्यांशी संपर्क साधून सभा येथे घ्यावी, यासाठी आमचे प्रयत्न आहेत, असे विधानसभेतील विरोधी पक्षनेते विजय वडेट्टीवार यांनी सांगितले. दरम्यान, प्रदेशाध्यक्ष नाना पटोले दिल्लीला रवाना झाले असून वरिष्ठ नेत्यांशी भेट घेतल्यानंतर इंडिया आघाडीच्या सभेसाठी शहर निश्चित होण्याची शक्यता आहे.