अधिवेशनात जेष्ठ कामगार नेते बाबा आढाव, राष्ट्रवादी शहर अध्यक्ष प्रशांत जगताप, राज्याध्यक्ष, जुनी पेंशन हक्क संघटनाचे सागर शिंदे, प्राथमिक शिक्षक संघाचे पुणे जिल्हाध्यक्ष नारायण कांबळे, पुणे शहराध्यक्ष बाळकृष्ण चोरमले दुर्ग क्रांती संघटनेचे अध्यक्ष राहुल शिंदे, पेन्शन बचाव कृती समितीचे राज्य अध्यक्ष संजय यवतकर, यांच्यासह अनेक मान्यवर व कर्मचारी बांधव मोठ्या संख्येने उपस्थित होते. कार्यक्रमाचे प्रास्ताविक राज्य कार्याध्यक्ष जगदीश ओहोळ यांनी केले, सूत्रसंचालन अमोल गायकवाड व जालिंदर राऊत यांनी केले तर आभार शहाजी गोरवे यांनी मानले.

अधिवेशनाचे उद्घाटन कामगार नेते डॉ बाबा आढाव म्हणाले की, प्रत्येक कर्मचारी, कामगार, कष्टकरी यास हक्काची जुनी पेन्शन मिळाली पाहिजे. वृद्धपकाळात पेन्शन मिळणे हा कर्मचाऱ्यांचा मूलभूत अधिकार आहे. पण सध्या ती हक्काची पेन्शन मिळवण्यासाठी सरकारशी लढावं लागत आहे. ही लढाई मोठी आहे. एकजुटीने लढूया आणि जिंकूया.

राष्ट्रवादी काँग्रेसचे शहर अध्यक्ष प्रशांत जगताप म्हणाले की, कर्मचाऱ्यांना जुनी पेन्शन मिळावी ही आमच्या पक्षाची भूमीका आहे. येत्या लोकसभा विधानसभा निवडणुकिंच्या जाहीरनाम्यात जुनी पेन्शन या मुद्द्याचा समावेश करू असा शब्द त्यानि कर्मचारयांना दिला.

जुनी पेन्शन हक्क संघटना सागर शिंदे म्हणाले, १ नोव्हेंबर २००५ नंतर जे कर्मचारी सेवा निवृत्त झाले त्यांना जुनी पेन्शन योजना लागू झाली पाहिजे. देशातील इतर राज्यत जर जुनी पेन्शन योजना लागू जप्त असेल तर महाराष्ट्रात का नाही ? महाराष्ट्रा तर आधुनिक व प्रगत राज आहे। त्यामुळे सरकारने याचा विचार करावा आणि लवकरात लवकर जुनी पेन्शन योजना लागू करावी. अन्यथा महाराष्ट्रात कर्मचाऱ्यांचा उद्रेक झाल्याशिवाय राहणार नाही.