सातारा: अनंत चतुर्दशी व ईद-ए-मिलाद (पैगंबर जयंती) सण हा यावर्षी एकाच दिवशी आल्याने कराड शहरातील मुस्लिम बांधवांनी पैगंबर जयंतीची शाही दरबार मिरवणूक गुरवार, दि. २८ सप्टेंबर रोजी न काढता रविवार, दि. १ ऑक्टोबर रोजी काढण्याचा निर्णय घेतला आहे. यासाठी पैगंबर जयंती उत्सव कमिटीची बैठक होऊन हा निर्णय घेण्यात आला आहे. याबाबतची पोलीस प्रशासनाला माहिती देण्यात आली आहे.
कालपासून गणेशोत्सवाची मोठ्या उत्साहात सुरुवात झाली. कराड शहरातील प्रत्येक समारंभात, उत्सवात सर्व जाती धर्माचे लोक मोठ्या उत्साहाने एकत्र येऊन सहभाग घेतात. यावर्षी २८ सप्टेंबर रोजी अनंत चतुर्दशी आहे. शिवाय याच दिवशी ईद-ए-मिलाद (पैगंबर जयंती) आहे. या पार्श्वभूमीवर दोन वेळा झालेल्या शांतता कमिटी बैठकीत एकाच दिवशी आलेल्या या दोन सणांबाबत चर्चा केली होती.
कालपासून गणेशोत्सवाची मोठ्या उत्साहात सुरुवात झाली. कराड शहरातील प्रत्येक समारंभात, उत्सवात सर्व जाती धर्माचे लोक मोठ्या उत्साहाने एकत्र येऊन सहभाग घेतात. यावर्षी २८ सप्टेंबर रोजी अनंत चतुर्दशी आहे. शिवाय याच दिवशी ईद-ए-मिलाद (पैगंबर जयंती) आहे. या पार्श्वभूमीवर दोन वेळा झालेल्या शांतता कमिटी बैठकीत एकाच दिवशी आलेल्या या दोन सणांबाबत चर्चा केली होती.
दरम्यान, पैगंबर जयंती उत्सव कमिटीची बैठक घेण्यात आली आली होती. त्यानुसार गुरुवार, दि. २८ सप्टेंबर ऐवजी रविवार, दि १ ऑक्टोबर रोजी ईद-ए-मिलाद (पैगंबर जयंती) ची शाही दरबार मिरवणूक काढण्याचा निर्णय घेतला आहे. ही मिरवणूक रविवारी सकाळी साडेआठ वाजता जामा मस्जिद येथून सुरू होईल, तसेच प्रतिवर्षाप्रमाणे नेहमीच्या मिरवणूक मार्गावरून ही मिरवणूक शहरातून काढण्यात येणार आहे. या मिरवणुकीत मुस्लिम बांधवांनी सहभागी व्हावे, असे आवाहन उत्सव कमिटीने केले आहे.