नाशिक : मध्यप्रदेशमधून शिरपूरकडे अवैधरित्या ट्रकमधून वाहतूक होणाऱ्या लाखो रुपयांच्या दारू साठ्यासह शिरपूर पोलिसांनी दोघा जणांच्या मुसक्या आवळल्या आहेत. त्यामुळे मद्य तस्करी करणाऱ्यांचे धाबे चांगलेच दणाणले आहे. या घटनेमुळे संपूर्ण परिसरात खळबळ उडाली असून पोलीस तपास सुरू असल्याची माहिती आहे.
पोलिसांनी तात्काळ या दोन्ही मालट्रक थांबवून त्यात असलेल्या मालासंबंधित चालकास विचारणा केली. त्याने उडवा-उडवीचे उत्तरं दिल्यानंतर पोलिसांनी या ट्रकमधील सामानाची तपासणी केली. त्यामध्ये मोठ्या प्रमाणात विदेशी प्रकारचा मद्यसाठा पोलिसांना आढळून आला आहे. पोलिसांनी हे दोन्ही ट्रक ताब्यात घेतले असून या ट्रकमधून जवळपास ५५ लाख ३७ हजार २८० रुपये किंमतीचा दारुसाठा जप्त केला आहे.
नेमका हा दारूसाठा कोणाच्या मालकीचा होता व तो कुठल्या ठिकाणी चालला होता, याचा तपास शिरपूर पोलीस आता करीत आहे. या कारवाईदरम्यान शिरपूर पोलिसांनी दोघा जणांना ताब्यात घेतले असून पुढील तपास पोलीस करीत आहेत.
Maharashtra Rain Alert : राज्यासाठी पुढचे ३-४ तास महत्त्वाचे; मुंबई, ठाण्यासह या जिल्ह्यांना मुसळधार पावसाचा इशारा