नांदेड: खंडणी न दिल्याने परभणी जिल्हातील एका १४ वर्षीय बालकाचा अपहरण करून त्याचा नांदेडमध्ये खून केल्याची धक्कादायक घटना उघडकीस आली आहे. जिल्ह्यातील लोहा तालुक्यातील माळाकोळी येथील तलावात शुक्रवारी या बालकाचा मृतदेह आढळून आला आहे. यावेळी दोरीने बालकाचे हात पाय बांधलेले होते. तसेच गळ्याला दोरी देखील बांधलेली होती. परमेश्वर प्रकाश बोबडे असे या बालकाचे नाव आहे.
पोलिसांनी गांभीर्य ओळखून तपासाला सुरुवात केली. दोन संशयीत आरोपींना ताब्यात घेतले असता त्या आरोपींनी गुन्हा कबूल करून मुलाचा मृतदेह लोहा तालुक्यातील माळाकोळी जवळील माळेगावच्या तलावात हात पाय बांधून फेकल्याचे सांगितले. माहिती आधारे परभणीच्या नवीन मोंढा पोलीस ठाण्याचे सहायक पोलीस निरीक्षक आर.टी. नांदगावकर, पोलीस अंमलदार नागनाथ मुंडे आणि पंकज उगले हे नांदेडला आले. त्यानंतर त्यांनी माळाकोळी पोलीस ठाण्याचे सहायक पोलीस निरीक्षक संजय निलपत्रेवार आणि इतर कर्मचाऱ्यासोबत घटनास्थळी पोहचले. मुलाचा मृतदेह तलावातून बाहेर काढला. आरोपींनी ५० लाख रुपयाची खंडणी मागितली, अशी प्राथमिक माहिती आहे. खंडणी न दिल्यानेच त्या निरागस बालकाचा एवढ्या क्रूरतेने हत्या केल्याच बोलले जात आहे. दरम्यान या प्रकरणाचा अधिक तपास परभणी पोलीस करत आहेत. दरम्यान या घटनेने नांदेड आणि परभणी जिल्ह्यामध्ये खळबळ उडालीये.
मागील काही दिवसा पासून नांदेडमध्ये अपहरणाचे प्रकरण मोठ्या प्रमाणात घडत आहेत. काही दिवसा पूर्वी एका शाळकरी मुलाचा अपहरण करण्यात आला होता. खंडणीसाठी हा अपहरण करण्यात आला होता. पोलिसांनी आरोपीना अटक करुण बालकाची सुटका केली होती.