ठाणे : मुलगा ऑफिसला गेला होता. यावेळी अचानक आईचा फोन येतो आणि असं काही कानावर पडतं की हातातली सगळी कामं सोडून मुलगा घराकडे धाव घेतो. पण घरी जाईपर्यंत सगळं काही संपलेलं असतं. आपल्याला जन्म देणाऱ्या आई आणि वडिलांचा मृतदेह त्याच्या डोळ्यांसमोर असतो. ही घटना ठाण्यातील आहे. जिथे पत्नीची हत्या केल्यानंतर पतीचा ब्रेन हॅमरेज झाल्याने मृत्यू झाल्याची धक्कादायक घटना समोर आली आहे.
ठाण्यातल्या कळवा भागात शुक्रवारी रात्रीच्या सुमारास हा प्रकार उघडकीस आला आहे. कळव्यातील कुंभार आळी परिसरातील यशवंत निवासमध्ये राहणाऱ्या दिलीप साळवी यांनी आपली पत्नी प्रमिला साळवी हिच्यावर स्वतःच्या बंदुकीतून गोळ्या झाडून हत्या केली. दिलीप साळवी हे माजी उपमहापौर गणेश साळवी यांचे बंधू, राष्ट्रवादीचे माजी नगरसेवक मिलिंद साळवी यांचे मावसभाऊ, तर माजी नगरसेविका अपर्णा साळवी यांचे दीर होते.का केली पत्नीची हत्या…
आईसोबत वडीलांचाही गेला जीव…
डाव्या हातात रिव्हॉल्व्हर तर उजव्या हातामध्ये…
ठाण्यातल्या कळवा भागात शुक्रवारी रात्रीच्या सुमारास हा प्रकार उघडकीस आला आहे. कळव्यातील कुंभार आळी परिसरातील यशवंत निवासमध्ये राहणाऱ्या दिलीप साळवी यांनी आपली पत्नी प्रमिला साळवी हिच्यावर स्वतःच्या बंदुकीतून गोळ्या झाडून हत्या केली. दिलीप साळवी हे माजी उपमहापौर गणेश साळवी यांचे बंधू, राष्ट्रवादीचे माजी नगरसेवक मिलिंद साळवी यांचे मावसभाऊ, तर माजी नगरसेविका अपर्णा साळवी यांचे दीर होते.
का केली पत्नीची हत्या…
घटनेची माहिती पोलिसांना मिळताच तपास सुरू झाला. यावेळी साळवी यांचा मुलगा प्रसाद याने पोलिसांसमोर धक्कादायक खुलासा केला आहे. त्याने पोलिसांनी सांगितलं की, ‘तो नेहमीप्रमाणे कार्यालयात काम करत असताना त्याला आईचा फोन येतो. तुझे पप्पा हातात रिव्हॉल्व्हर घेऊन मला मारण्यासाठी अंगावर येत आहेत आणि जोरजोरात भांडण करीत आहेत’ असं आई प्रमिला साळवी यांनी फोन करून मुलाला सांगितलं होतं.
आईसोबत वडीलांचाही गेला जीव…
यानंतर प्रसादने कार्यालयातून थेट घर गाठलं. पण तोपर्यंत खूप उशिरा झाला होता. घरी पोहोचेपर्यंत मदत मागणारी आई आणि त्याच्या वडिलांचा मृतदेह रक्ताच्या थारोळ्यात पडल्याचं त्याने पाहिलं. तो घराबाहेर पोहोचला तेव्हाच त्याने गोळीबाराचा आवाज ऐकला. यानंतर तो मुख्य दरवाजातून घरात गेला आणि सोफ्याजवळ आई आणि वडिलांचा मृतदेह पाहिला.
पोलिसांनी या घटनेचा अधिक तपास केला असता बांधकाम व्यावसायिक दिलीप साळवी यांनी पत्नीवरील चारित्र्याच्या संशयावरून त्यांची हत्या केल्याची माहिती समोर आली आहे. पत्नीची हत्या केल्यानंतर त्याच क्षणी दिलीप साळवी यांना ब्रेन हॅमरेज झाला. ते सोफ्याच्या कडेला मान खाली व त्यांच्या तोंडातून रक्त येत असलेल्या स्थितीत दिसल्याचे प्रसादने कळवा पोलिसांना दिलेल्या जबानीत म्हटले आहे.
प्रेयसीची हत्या करुन मृतदेह आंबोली घाटात टाकला, प्रियकराचा मित्र म्हणतो, मी तर फक्त त्याच्या…
डाव्या हातात रिव्हॉल्व्हर तर उजव्या हातामध्ये…
दरम्यान, साळवी हे डावखुरे आहेत. त्यांच्या डाव्या हातात रिव्हॉल्व्हर तर उजव्या हातामध्ये गाडीची चावी होती. त्यावेळी प्रसादच्या पाठोपाठच त्याचे मित्रही घरात शिरले. प्रसादने डॉक्टरांना बोलविलं. मात्र, तोपर्यंत दाम्पत्याचा मृत्यू झाला होता. दरम्यान, पोलिसांनी दोघांचाही मृतदेह ताब्यात घेतला असून तो शवविच्छेदनासाठी नजिकच्या स्थानिक रुग्णालयात पाठवण्यात आला असून पुढील तपास पोलीस करत असल्याची माहिती आहे.
खरंतर, दिलीप साळवी हे बांधकाम व्यावसायिक असून त्यांना एक मुलगा आणि एक मुलगी आहे. साळवी यांनी आपल्या पत्नीवर गोळीबार का केला याचे कारण अद्याप समजू शकले नसून कळवा पोलिसांनी या संपूर्ण प्रकरणाचा तपास सुरू केला आहे. घटनेची माहिती मिळताच परिमंडळ एकचे पोलीस उपायुक्त गणेश गावडे यांनी घटनास्थळी भेट देत परिस्थितीचा आढावा घेतला.
Crime Diary : अँकरच्या बॉडीवरून शेकडो वाहनं गेली आणि ५ वर्षांनी…; हत्येची कहाणी वाचून दृश्यम आठवेल