नागपूर : सुनेने चाकूने गळ्यावर वार करून सासूची निर्घृण हत्या केली. ही थरारक घटना प्रतापनगर पोलिस स्टेशन हद्दीतील गुडधे ले-आऊट येथील नागोबा मंदिराजवळ घडली. तारादेवी ब्रिजराज शिखरवार (वय ८०) ,असे मृतकाचे नाव आहे. पोलिसांनी मारेकरी सुनेविरुद्ध खुनाचा गुन्हा दाखल केला. पुनम आनंद शिखरवार वय ३८, असे सुनेचे नाव आहे.
पोलिसांकडून मिळालेल्या माहितीनुसार, आनंदचे घराजवळ गॅरेज आहे. गेल्या काही महिन्यांपासून पुनमवर मानसोपचार तज्ज्ञांकडून उपचार सुरू आहेत. मात्र उपचार सुरू असताना ती औषध घ्यायला नकार द्यायची. शनिवारी सायंकाळी अचानक फळभाजी चिरण्याचा चाकू पुनमने हातात घेतला. तारादेवी यांच्या गळ्यावर चाकूने सपासप वार केले. तारादेवी यांनी आरडाओरड केली. पुनमचे वार सुरूच होते.
पोलिसांकडून मिळालेल्या माहितीनुसार, आनंदचे घराजवळ गॅरेज आहे. गेल्या काही महिन्यांपासून पुनमवर मानसोपचार तज्ज्ञांकडून उपचार सुरू आहेत. मात्र उपचार सुरू असताना ती औषध घ्यायला नकार द्यायची. शनिवारी सायंकाळी अचानक फळभाजी चिरण्याचा चाकू पुनमने हातात घेतला. तारादेवी यांच्या गळ्यावर चाकूने सपासप वार केले. तारादेवी यांनी आरडाओरड केली. पुनमचे वार सुरूच होते.
रक्ताच्या थारोळ्यात तारादेवी खाली कोसळल्या. त्यांचा मृत्यू झाला. माहिती मिळताच आनंद हा घरी आला. एका नागरिकाने प्रतापनगर पोलिसांना माहिती दिली. माहिती मिळताच पोलिसांचा ताफा तेथे पोहोचला. पोलिसांनी तारादेवी यांना हॉस्पिटलमध्ये दाखल केले. डॉक्टरांनी तपासून तारादेवी यांना मृत घोषित केले.
दरम्यान, याप्रकरणी प्रतापनगर पोलिसांनी खुनाचा गुन्हा दाखल करून पुनमला ताब्यात घेतले आहे.