अमरावती: श्रावण महिना हा एकूणच धर्म आणि अध्यात्माच्या दृष्टीने महत्त्वाचा समजला जातो. या महिन्यात अनेक जण पूजाअर्चा करून देवाच्या भक्तीत लीन असतात. मात्र अमरावती जिल्ह्यातील एका तरुण चोरट्याने श्रावण महिन्यात देवाची मंदिरे टारगेट केली आहेत. मंदिरात कोणी नसताना तो जायचा, देवासमोर नतमस्तक व्हायचा आणि देवाच्या पेटीतूनच पैसे चोरायचा. पैसे चोरून मौजमज्जा करणाऱ्या चोरट्याला पोलिसांनी जेरबंद केले आहे.
ग्रामीण भागात वाढत्या चोरीच्या घटना पाहता स्थानिक गुन्हे शाखेने यावर अंकुश लावण्यासाठी सातत्याने प्रयत्न सुरू केले आहे. चांदुरबाजार तालुक्यातील काही मंदिरांमध्ये मागील अनेक दिवसांपासून दानपेटी फोडून रक्कम लंपास होत असल्याच्या तक्रारी समोर येत होत्या. त्या अनुषंगाने २७ ऑगस्ट रोजी पोलीस स्टेशन चांदुरबाजार कलम ४५४, ३८० भा.द.वि. च्या गुन्ह्याचा तपास करत असताना मिळालेल्या गोपनिय माहितीदारांच्या मदतीने तांत्रिक पुराव्यांचा आधार घेत पोलिसांनी संशयित असलेल्या बोराळा येथील आकाश पुंडलिक नांदणे (२२) याला कुरळपुर्णा शेतशिवार येथुन शिताफीने ताब्यात घेतले. त्याच्याकडे या गुन्ह्यांबाबत सखोल विचारपूस केली असता त्याने दिनांक २७ ऑगस्ट रोजी ग्राम कुरळपुर्णा येथील भगवान पुरी महाराज मंदिरातील दान पेटीसह रक्कम चोरी केल्याची कबुली दिली.
ग्रामीण भागात वाढत्या चोरीच्या घटना पाहता स्थानिक गुन्हे शाखेने यावर अंकुश लावण्यासाठी सातत्याने प्रयत्न सुरू केले आहे. चांदुरबाजार तालुक्यातील काही मंदिरांमध्ये मागील अनेक दिवसांपासून दानपेटी फोडून रक्कम लंपास होत असल्याच्या तक्रारी समोर येत होत्या. त्या अनुषंगाने २७ ऑगस्ट रोजी पोलीस स्टेशन चांदुरबाजार कलम ४५४, ३८० भा.द.वि. च्या गुन्ह्याचा तपास करत असताना मिळालेल्या गोपनिय माहितीदारांच्या मदतीने तांत्रिक पुराव्यांचा आधार घेत पोलिसांनी संशयित असलेल्या बोराळा येथील आकाश पुंडलिक नांदणे (२२) याला कुरळपुर्णा शेतशिवार येथुन शिताफीने ताब्यात घेतले. त्याच्याकडे या गुन्ह्यांबाबत सखोल विचारपूस केली असता त्याने दिनांक २७ ऑगस्ट रोजी ग्राम कुरळपुर्णा येथील भगवान पुरी महाराज मंदिरातील दान पेटीसह रक्कम चोरी केल्याची कबुली दिली.
तसेच आरोपीने चांदुरबाजार येथील मारवाडीपुरा येथील गणपती मंदीर आणि दिनांक २१ ऑगस्ट रोजी माळीपुरा येथील राम मंदिरातील पेटीसह रक्कम चोरी केल्याची कबुली दिली आहे. या आरोपीकडून गुन्ह्यातील चोरी गेलेल्या रक्कमेपैकी ४ हजार ७६० रुपये आणि रिअलमी कंपनीचा मोबाईल कि ५००० रु असा एकुण ९ हजार ७६० रुपयांचा जप्त करुन मुद्देमाला अटक करण्यात आली आहे. स्थानिक गुन्हे शाखेचे पोलीस निरीक्षक किरण वानखडे यांच्या मार्गदर्शनाची कारवाई करण्यात आली असून आरोपीस पोलीस स्टेशन चांदुरबाजार यांच्या ताब्यात देण्यात आले असुन पुढील तपास पो. स्टे. चांदुरबाजार हे करीत आहेत.