छत्रपती संभाजीनगर: गंगापूर तालुक्यातील अहिल्यादेवी नगर परिसरामध्ये एका कुटुंबाच्या घरात गावठी कट्ट्याने गोळीबार केला. कपाळाच्या मध्यभागी गोळी लागल्याने यामध्ये अडीच वर्षाचा चिमुकला गंभीर जखमी झाला आहे. ही घटना शुक्रवारी सायंकाळी सहा वाजण्याच्या सुमारास घडली. घटनेची माहिती मिळताच तात्काळ पोलीस घटनास्थळी दाखल झाले असून या घटनेमुळे परिसरामध्ये एकच खळबळ उडाली आहे.
प्रवाशावर संशय, कस्टमनं एअरपोर्टवर रोखलं; ट्रॉली बॅगेत ‘मिनी जंगल’ सापडलं, अधिकारी अवाक्
आर्यन राहुल राठोड असे गोळीबार झाल्यानंतर जखमी झालेल्या चिमुकल्याच नाव आहे.या प्रकरणी पोलिसांनी दिलेल्या माहितीनुसार, गंगापूर शहरातील अहिल्यादेवी नगर येथे नवनाथ अंबादास भराड यांच घर आहे. ज्या घरामध्ये दुसऱ्या मजल्यावर बीड येथील रहिवासी राहुल कल्याण राठोड आणि संगीता राहुल राठोड व त्यांचा मुलगा आर्यन हे राहतात. गेल्या चार महिन्यांपासून ते भराड्यांच्या घरांमध्ये राहतात. राहुल हे एका खाजगी कर्ज वितरण बँकेमध्ये कर्मचारी आहेत. दरम्यान शुक्रवारी सायंकाळी सहा वाजेच्या सुमारास अहिल्यादेवी नगर परिसरामध्ये बंदुकीने गोळीबार केल्याचा आवाज आला. हा गोळीबार राहुल राठोड यांच्या घरामध्ये झाला होता. दरम्यान गोळीबार करणाऱ्या व्यक्ती घटनास्थळावरून पसार झाला होता. राहुल यांची पत्नी संगीता या मुलाला गोळी लागली असं म्हणून ओरडत होत्या. यामुळे परिसरातील नागरिक जमा झाले या घटनेनंतर राहुल व त्यांची पत्नी जखमी मुलाला घेऊन खाजगी रुग्णालयात गेले.
दाभोलकरांवर झाडलेल्या गोळ्या कारखान्याबाहेर कशा आल्या? तत्कालीन CBI अधिकाऱ्याची धक्कादायक कबुली
घटनेची माहिती मिळताच उपविभागीय पोलीस अधिकारी प्रकाश बेले पोलीस निरीक्षक सत्यजित ताइतवाले पोलीस उपनिरीक्षक दीपक आवटी हे कर्मचाऱ्यांचे घटनास्थळी दाखल झाले. यावेळी पाहणी केली असता घराच्या स्वयंपाक खोलीमध्ये पोट माळ्यावर एक गावठी कट्टा आढळून आला. त्यातूनच तीनपैकी दोन गोळ्या झाडल्याचे समोर आले. यावेळी घरात जागोजागी रक्ताचा सडा पडलेला आढळून आला. दरम्यान हा गोळीबार नेमका कोणी केला? गोळीबार करण्यामागचा उद्देश काय होता? हे अद्याप समजू शकले नाही. दरम्यान आरोपीचा शोध घेण्यासाठी ग्रामीण पोलीस छत्रपती संभाजीनगर शहरात दाखल झाले आहेत.