मुली कधी प्लम्बर होतात का, असा प्रश्न अनेकांनी विचारला पण माझ्यासाठी दोनवेळच्या जेवणासाठी कष्ट करण्याचे साधन हाती आहे हे सुखावणारे होते. यासाठी अनेकांनी मदत केली. गेल्या तीन वर्षांपासून प्लम्बिंगची कामे करते आहे. लोक उत्सुकतेने पाहतात आणि म्हणतात, “पहिल्यांदाच मुलगी प्लम्बर म्हणून पाहतोय’ तेव्हा बरं वाटतं. अडचणी खूप आहेत पण काम कमी नाही. गोंदियाच्या महाराष्ट्र जीवन प्राधिकरण विभागाने अधिकृत नळ कारागीर परवाना दिला. नाशिकमध्येही येऊन प्रशिक्षण पूर्ण केले. त्यामुळे भंडारा व तुमसर या नगर परिषदांतून प्लम्बिंगचे कामे मिळू लागली आहेत. महिन्याला कधी दहा हजार, तर कधी पंधरा हजार मिळतात. हे करताना मी अडचणींचा विचार बाजूला सारून पुढे जात असल्याचेही ती सांगते.

क्षमता, जिद्द तरीही बँक कर्ज देईना

मी परवानाधारक प्लम्बर आहे. जिल्हा उद्योग केंद्राने मला २५ लाखांच्या कर्जाला मान्यता दिली आहे. वीस लाखांच्या कर्जासाठी बँकेत अर्ज करूनही ते मिळू शकलेले नाही. मी मुलगी आणि त्यात प्लम्बर असल्याने माझ्या क्षमतेवर त्यांना विश्वास नसेल बहुधा पण मी जिद्दीने यावरही मात करीन, असे ती आत्मविश्वासाने सांगते.

चांद्रयान-३ मोहिमेत बोर्डीतील शास्त्रज्ञाचा सहभाग, ऐतिहासिक क्षणानंतर शिक्षकांशी साधला संवाद