त्यानंतर पुन्हा रात्री ११.३० वाजताच्या सुमारास तो हॉटेलमध्ये आला. जेवण केले. दुर्गाप्रसाद यांनी त्याला दोन वर्षांतील जेवणाचे ५० हजार रुपये मागितले. त्यावर दुपारीच अंबिका हॉटेलमध्ये ५० हजार रुपये जमा केल्याचे त्याने दुर्गाप्रसाद यांना सांगितले. दुर्गाप्रसाद यांनी शाहनिशा केली असता ललितने पैसे जमा न केल्याचे समोर आले. यावरून दुर्गाप्रसाद यांनी त्याला हटकले असता ललितने त्यांच्यासोबत वाद घालून चाकूने त्यांच्यावर हल्ला केला. कर्मचाऱ्यांनी धाव घेत ललितला पकडले. घटनेची माहिती मिळताच गणेशपेठ पोलिसांचा ताफा तेथे पोहोचला. पोलिसांनी त्याला अटक केली. दुर्गाप्रसाद यांना उपचारासाठी मेडिकलमध्ये दाखल करण्यात आले.