सीटूचे राज्य महासचिव एम.एच. शेख आणि राज्य उपाध्यक्ष युसुफ शेख यांच्या नेतृत्वाखाली बुधवारी सकाळी ११ वाजता दत्तनगर येथील लाल बावटा कार्यालयापासून मोर्चाची सुरुवात करण्यात आली. फेरीवाले आणि सीटूचे कार्यकर्ते मोठ्या संख्येने या मोर्चात सहभागी झाले होते. मोर्चा पुढे जात महानगरपालिकेसमोर पोहोचताच पोलिसांनी आंदोलकांना अडवण्याचा प्रयत्न केला. यावेळी फेरीवाले, सीटूचे कार्यकर्ते आणि पोलिसांमध्ये काही काळ झटापट झाली.

पोलिस बंदोबस्त तोडण्याचा प्रयत्न

फेरीवाले आणि सीटूचे कार्यकर्ते डॉ. बाबासाहेब आंबेडकर चौक मार्गे महानगरपालिकेकडे येत असताना पोलिसांनी मोर्चाला अडवण्याचा प्रयत्न केला. आंदोलकांना थांबवताना पोलिस आणि आंदोलकांमध्ये धक्काबुक्की झाली. काही आंदोलकांनी पोलिसांचा बंदोबस्त तोडून महापालिकेच्या मुख्य प्रवेशद्वारापर्यंत जाण्याचा प्रयत्न केला. त्यानंतर आंदोलकांनी तेथे जोरदार घोषणाबाजी केली. या प्रकारामुळे काही काळ परिसरात तणाव निर्माण झाला होता.

Jalna News : कोचिंग क्लासेसमध्ये टँकरमधून पाणी भरताना विजेचा शॉक लागला, 20 वर्षीय तरुण जागेवर गेला, जालनामधील दुर्दैवी घटना

पथविक्रेत्यांच्या हक्कांसाठी आंदोलन

सीटूचे राज्य महासचिव एम.एच. शेख यांनी सांगितले की, केंद्र सरकारने Street Vendors (Protection of Livelihood and Regulation of Street Vending) Act, 2014 तसेच Deendayal Antyodaya Yojana – National Urban Livelihoods Mission अंतर्गत राष्ट्रीय फेरीवाला धोरण लागू केले आहे. या कायद्यानुसार फेरीवाले, हातगाडीधारक आणि पथविक्रेत्यांचे संरक्षण करणे, त्यांना ओळखपत्र देणे तसेच हॉकर्स झोन निश्चित करणे ही महानगरपालिकेची जबाबदारी आहे.

Alibag Panchayat Samiti : तब्बल 6 दशकांनंतर अलिबाग पंचायत समितीवर शिवसेनेचा भगवा

या मागण्यांकडे प्रशासनाने गांभीर्याने लक्ष द्यावे, अशी मागणी आंदोलकांनी केली. दरम्यान, पोलिसांच्या बंदोबस्तामुळे परिस्थिती नियंत्रणात आणण्यात आली.