काय आहे प्रकरण?

मृताची पत्नी मुस्कान शादाब तांबोळी हिचे ऋषभ मनोज वर्माशी (वय २३, मनमाड) प्रेमसंबंध होते. मुस्कानचा भाऊ संशयित शाहरूख शेख, त्याचे साथीदार युवराज थोरात (वय १९, रा. मालेगाव), सलीम साबीर शेख (वय २८ मालेगाव), आर्यन सुंदर जिनवाल (वय १९ मालेगाव), शेख एजाज शेख रियाज (वय २९ मनमाड) यांनी संगनमत केले.

व्यवहारासाठी भुलवून नेलं

मनमाड येथे सोन्याच्या दागिन्यांचा व्यवहार करायचा आहे, असा बनाव करून संशयितांनी शादाब तांबोळीला मनमाड-मालेगाव रोडवरील बंद पडलेल्या पोल्ट्री फार्म येथे नेले आणि तेथे त्याचा खून केला. त्यानंतर त्याच्या हातपायाला दोरीने बांधून, तसेच कमरेला दोरीने डंबेल्स बांधून शव परसुल शिवारातील पुलाखालील नदीत फेकून दिले.
Mumbai Crime : लग्नाच्या वीस वर्षांनी मूल, सोसायटीत कारच्या धडकेत मुंबईतील चिमुकल्याचा मृत्यू, कुटुंब म्हणालं पार्किंग वादातून जीव घेतला
नाशिक ग्रामीण जिल्हा पोलिसांसह न्यायवैद्यक पथक व श्वान पथकांनी घटनास्थळी बारकाईने पाहणी केली. मृत शादाब तांबोळी याची मागील एका वर्षाची पार्श्वभूमी, घटनास्थळी मिळालेल्या भौतिक व तांत्रिक पुराव्यांचे विश्लेषणाद्वारे स्थानिक गुन्हे शाखेच्या पथकाने संशयितांना ताब्यात घेतले.
Pune Crime : शब्ब्या हाक का मारली? चेष्टा-मस्करी जिवावर, साथीदारांना बोलावून पुण्यात भररस्त्यात तरुणाला संपवलं

सोशल मीडियावर मोहीम राबवली

उगाववासियांनी शादाब बेपत्ता झाल्यापासून त्याच्या शोधासाठी सोशल मीडियावर मोहीम राबवली होती. शादाब बेपत्ता झाल्यानंतर १८ फेब्रुवारीला मिसिंगची तक्रार नोंदवण्यात आली होती. त्यानंतर २२ तारखेला त्याची बॉडी सापडल्याने खुनाचा गुन्हा दाखल करण्यात आला होता. तेव्हापासून जवळपास १५ दिवस स्थानिक पातळीवर मोर्चे काढत, मित्र परिवाराने ऑनलाईन चळवळ उभारली होती. त्याची मारेकरी पत्नीच निघाल्याने सर्वांनाच मोठा धक्का बसला आहे.