भाजप आमदार मंगेश चव्हाण यांनी केलेल्या आरोपानुसार मुक्ताईनगर येथे राष्ट्रीय महामार्ग विस्तारीकरण सुरू आहे. २५ जानेवारी २०२२ मध्ये या संदर्भात राजपत्र प्रसिद्ध करण्यात आले होते. यासाठी ५६.८० हेक्टर जमिन भूसंपादन करण्याचा निर्णय सरकारने १३ जानेवारी २०२३ ला घेतला होता. मोठा मोबदला लाटण्यासाठी एकनाथ खडसे यांनी १४ दिवसांनी २७ जानेवारी २०२३ रोजी अधिसूचित झालेल्या जमिनीपैकी काही जमीन खरेदी केली असल्याचा आरोप मंगेश चव्हाण यांनी केला आहे.

Manoj Jarange Patil : मनोज जरांगे पाटील यांचं कुणबी आरक्षणासाठी मराठा समाजाला आवाहन, आमदारांना जाब विचारण्याची सूचना
पंधरा लाख २२ हजार रुपयांचे खरेदीखत दाखवले. साडेतीन वर्षांनंतर त्यांच्या लाभात हस्तांतरण केले. खरेदी आधी तिथे झाडे लावली. या मोबदल्यासाठी पाठपुरावा सुरू केला. ही शासनाची फसवणूक असल्याचे आमदार मंगेश चव्हाण यांनी म्हटले आहे.

Raigad News : सस्पेन्स संपला, रायगडमध्ये महायुतीचं जुळलं, अखेर तीनही पक्ष एकत्र, ZP अध्यक्ष भाजपचा होणार, काय-काय घडलं?
महसूलमंत्र्यांचे चौकशीचे आदेश
या प्रकरणात महसूलमंत्री चंद्रशेखर बावनकुळे यांनी एसआयटी चौकशीचे आदेश दिले आहेत. या संपूर्ण प्रकरणाची सखोल चौकशी करण्यासाठी विभागीय आयुक्त प्रवीण गेडाम यांच्या अध्यक्षतेखाली एसआयटी स्थापन केली जाणार आहे. या पथकाला तीन महिन्यांच्या आत सविस्तर अहवाल सादर करण्याचे निर्देश देण्यात आले आहेत. या तपासात सहा विभागांतील अधिकारी सहभागी होणार आहेत. संबंधित अहवाल सभागृहात मांडण्यात येणार असल्याचेही मंत्री चंद्रशेखर बावनकुळे यांनी सांगितले.