सर्वाधिक धाडी नवी मुंबई परिसरात:

कामगार उपायुक्त कार्यालयाच्या वतीने टाकण्यात आलेल्या धाडीमध्ये सर्वाधिक धाडी या ठाणे जिल्ह्यातील नवी मुंबई, उल्हासनगर आणि कल्याण परिसरातील आहेत. तर, सुटका करण्यात आलेल्या मुलांमध्ये नेपाळ, बिहार, उत्तर प्रदेश, पश्चिम बंगाल, राजस्थान, झारखंड, कोलकाता, कर्नाटक अशा राज्यांतील बालके अधिक आहेत. यामध्ये उत्तर प्रदेश आणि पश्चिम बंगालमधील बहुतांश बालकांचा समावेश आहे. याशिवाय महाराष्ट्रातील लातूर, बीड, पालघर, परभणी, उल्हासनगर, कल्याण परिसरातीलही काही बालक येथे मजुरी करताना आढळली आहेत.

पुनर्वसन कागदावरच!

धोकादायक उद्योग आणि प्रक्रियेतील १४ वर्षांखालील बालकामगारांची मालकाच्या छळातून त्वरित सुटका करून त्यांचा प्राथमिक ताबा घेण्यात यावा, यासाठी जिल्हाधिकाऱ्यांच्या अध्यक्षतेखाली कृती दलाची स्थापन करण्यात आली आहे. या समितीची बैठक महिन्यातून एकदा घेण्याचा नियम आहे. मात्र २०१५पासून २०१९पर्यंत एकही बैठक घेण्यात आली नसल्याचे प्रथम सामाजिक संस्थेच्या वतीने सांगण्यात आले. तसेच, या मुलांच्या पुनर्वसनाचा प्रश्न आजही अनुत्तरित आहे.

बालकामगारांविषयीच्या कृतीदलाचे सहायक कामगार आयुक्त हे सदस्य सचिव आहेत. त्यामुळे ते बैठक निश्चित करत असतात. याबाबतच्या बैठका होत असून अहवाल मांडला जात आहे. या महिन्यात २२ ऑगस्टला ही बैठक होत आहे. अशी माहिती ठाणे महिला व बाल विकास अधिकारी महिंद्र गायकवाड यांनी दिली.
बापरे! ७ किनारे, ४ दिवस, २५० किलोची वाहून आलेली पाकिटं; रत्नागिरीच्या किनाऱ्यांवर काय घडतंय?

अशी आहे आकडेवारी:

२०२० साली ६ धाडी टाकण्यात आल्या. या धाडीच १० बालकामगार व किशोरवयीन मुले- मुलींची सुटका करण्यात आली. तसेच या प्रकरणी ७ मालकांना अटक करण्यात आली आहे.

२०२१ साली टाकलेल्या ११ धाडीत ४४ बालकामगार आणि किशोरवयीन मुले- मुलींची सुटका करण्यात आली. तसेच या प्रकरणी पाच गुन्ह दाखल करण्याच आले असून १० मालकांना अटक करण्यात आली

२०२२ साली टाकलेल्या १२ धाडींमध्ये ३३ बालकामगार आणि किशोरवयीन मुले- मुलींची सुटका करण्यात आली. या प्रकरणी पाच गुन्हे दाखल असून २१ जणांना अटक करण्यात आली आहे

एकूण २९ धाडींमध्ये ८७ बालकामगारांची या चक्रातून सुटका करण्यात आली. तसेच एकूण ११ गुन्हे दाखल करण्यात आले. अटक करण्यात आलेल्या एकूण मालक आरोपींची संख्या ३८ आहे.