बीड : शॉर्टसर्किटमुळे घरातील एका बेडरुमला अचानक आग लागली आणि तरुणाचा होरपळून मृत्यू झाला. ही दुर्दैवी घटना रविवारी दुपारच्या सुमारास बीडमधील भक्ती कन्स्ट्रक्शन परिसरात घडली आहे. घरातील काचा फुटण्याचा मोठा आवाज झाल्याने परिसरात खळबळ निर्माण झाली आणि स्फोट झाल्याचा भास अनेकांना झाला.
बीड शहरातील भक्ती कन्स्ट्रक्शन सर्कस ग्राऊण्ड परिसरात विकास डावकर कुटुंबासह राहतात. घराच्या दुसऱ्या मजल्यावरील बेडरूममध्ये त्यांचा मुलगा प्रसाद डावकर (वय वर्ष १९) हा झोपलेला होता. घराच्या पीओपीला शॉर्टसर्किटमुळे अचानक आग लागली. यात प्रसाद डावकरचा होरपळून मृत्यू झाला.
बीड शहरातील भक्ती कन्स्ट्रक्शन सर्कस ग्राऊण्ड परिसरात विकास डावकर कुटुंबासह राहतात. घराच्या दुसऱ्या मजल्यावरील बेडरूममध्ये त्यांचा मुलगा प्रसाद डावकर (वय वर्ष १९) हा झोपलेला होता. घराच्या पीओपीला शॉर्टसर्किटमुळे अचानक आग लागली. यात प्रसाद डावकरचा होरपळून मृत्यू झाला.
शॉर्टसर्किटचे आगीत रुपांतर झालं. सर्व रुमच्या खिडक्या बंद होत्या. अशातच धूर आणि आगीमुळे घराच्या खिडक्यांच्या काचा स्फोटाप्रमाणे फुटल्या आणि याचा आवाज सर्वदूर गेला. आवाजानेच परिसरातील आजूबाजूचे लोक हादरले आणि त्यांनी घटनास्थळाकडे धाव घेतली.
ऐश्वर्या तूही ये पोहायला; धरणाच्या पाण्याचा अंदाज चुकला, पुण्यातील बापलेकीचा बुडून मृत्यू
घरातील लोकांनाही हा आवाज आला, मात्र नेमकं घडलं काय, हे मात्र माहीत नव्हतं. मात्र शेजारील लोकांनी तुमच्या वरच्या मजल्यावर काहीतरी घडले आहे, असं म्हणत घरच्यांना दुसऱ्या मजल्यावर नेलं. रूमचा दरवाजा तोडल्यानंतर पाहिलं ते भयानक दृश्य. यामध्ये डावकर यांचा १९ वर्षीय मुलगा दुर्दैवाने या आगीत होरपळून मृत्युमुखी पडला होता. हे पाहताच घरच्यांच्या पायाखालची जमीन सरकली.
ही घटना पाहताच नागरिकांनी अग्निशामक दल आणि पोलीस प्रशासनाला पाचारण केले. पोलिस आणि अग्निशामक दलानेही तत्परता दाखवत काही वेळातच घटनास्थळी जाऊन आग आटोक्यात आणली. प्रसाद डावकरचा मृतदेह उत्तरीय तपासणीसाठी जिल्हा रुग्णालयात पाठवण्यात आला.
Sion Accident : वाशिमचा दिनेश डोळ्यात स्वप्न घेऊन मुंबईत, पण जोडप्याने ‘खून केला’, बघ्यांवरही कुटुंबाचा संतापमात्र ही आग आणि हा स्फोटाचा आवाज नेमके कशामुळे झाले, हा काही तासांसाठी संभ्रम होता. मात्र हा सगळा प्रकार शॉर्टसर्किटनेच झाला असल्याची माहिती पोलिसांनी माध्यमांना दिली आहे. मात्र डावकर कुटुंबावर हा काळाने घातलेला घाव वेदनादायक असून बीड जिल्ह्यात या घटनेनंतर हळहळ व्यक्त केली जात आहे.