पालिकेच्या वरिष्ठ वैद्यकीय अधिकाऱ्यांनी दिलेल्या माहितीनुसार, मलेरियासाठी कारणीभूत असलेल्या डासांचा प्रादुर्भाव वाढू नये यासाठी सातत्याने धूरफवारणीसह पाणी साचू नये यासाठी काळजी घेणे गरजेचे आहे. त्यासाठी पालिकेकडे सातत्याने आवाहन करण्यात येते तरीही त्याकडे लक्ष दिले जात नाही. त्यामुळे डासांची पैदास वाढून मलेरियाची रुग्णसंख्या वाढते.

नियम पालनाची सूचना

महापालिकेच्या आरोग्य विभागाने दिलेल्या माहितीनुसार मलेरियाच्या डासांची पैदास वाढू नये यासाठी बांधकाम क्षेत्राला सूचना देण्यात आल्या आहेत. त्या काटेकोरपणे पाळल्या जाव्यात यादृष्टीने निर्देश देण्यात आले आहेत. २०३०पर्यंत मलेरियाचे उच्चाटन करण्याचा निर्धार आरोग्य यंत्रणेने केला आहे. मात्र यावर्षी जानेवारी ते १४ ऑगस्टपर्यंत राज्यात मलेरियामुळे सहा जणांचा मृत्यूही झाला आहे.
मुंबईत ५ वर्षांत जन्मली ५२ हजार कमी वजनाची बाळं; डॉक्टरांनी सांगितलं मोठं कारण
स्वाइन फ्लू वाढता

स्वाइन फ्लूच्या रुग्णसंख्येमध्येही वाढ दिसून येत आहे. जून ते १६ ऑगस्ट या कालावधीमध्ये मुंबईत स्वाइन फ्लूच्या १,१७४ रुग्णांची नोंद झाली आहे. त्यात एच३ एन२ च्या रुग्णांची संख्या अधिक असून ती ८९७ इतकी आहे. तर १ जानेवारी ते ३१ मे या कालावधीमध्ये मुंबईत १०५५ स्वाइन फ्लू रुग्णसंख्या नोंदवण्यात आली आहे. स्वाइन फ्लूमुळे जानेवारी ते मे २०२३ या कालावधीमध्ये १३ जणांचा मृत्यू झाला असून जून ते ऑगस्ट या कालावधीमध्ये एकाही मृत्यूची नोंद नाही.