मंचर : एकेकाळी राज्याचे सहकारमंत्री दिलीप वळसे पाटील यांचे कट्टर समर्थक असलेले देवदत्त निकम हे निवडणुकीच्या तयारीला लागले असल्याचे पहायला मिळत आहे. निवडणुकीसाठीची मोर्चे बांधणी त्यांनी सुरू केली आहे. त्याच पार्श्वभूमीवर निकम यांनी राष्ट्रवादीचे अध्यक्ष शरद पवार यांची त्यांच्या बारामती येथील निवासस्थानी भेट घेतली. येणाऱ्या काळात शरद पवार यांच्या भूमिकेला पाठिंबा असल्याचे त्यांनी सांगितले. यावेळी निकम यांच्यासोबत अनेक शिरूर, आंबेगाव तालुक्यातील कार्यकर्ते शरद पवार यांच्या निवासस्थानी उपस्थित होते.
देवदत्त निकम यांनी पत्रकार परिषद घेत याबाबत माहिती दिली. शरद पवार हे बीड, मराठवाडा दौऱ्यावर असून तो दौरा झाल्यानंतर ते आंबेगाव आणि शिरूर तालुक्याच्या दौऱ्यावर येणार असून तिथे ते सभा घेणार आहेत. यावेळी शरद पवार यांचे जंगी स्वागत केले जाणार असल्याचे देखील निकम यांनी सांगितले.
देवदत्त निकम यांनी पत्रकार परिषद घेत याबाबत माहिती दिली. शरद पवार हे बीड, मराठवाडा दौऱ्यावर असून तो दौरा झाल्यानंतर ते आंबेगाव आणि शिरूर तालुक्याच्या दौऱ्यावर येणार असून तिथे ते सभा घेणार आहेत. यावेळी शरद पवार यांचे जंगी स्वागत केले जाणार असल्याचे देखील निकम यांनी सांगितले.
सर्वसामान्य जनता शरद पवार यांच्या पाठीशी उभी आहे. शरद पवार हेच शेतकऱ्यांसाठी काहीतरी करू शकतात असा शेतकऱ्यांना विश्वास असल्याने राज्यातील शेतकरी पवार साहेबांच्या पाठीशी आहेत. तसेच आम्ही देखील पवार साहेबांच्या पाठीशी असून ते ठरवतील त्या भूमिकेला आमचा पाठिंबा असणार आहे. येणाऱ्या काळात आंबेगाव, शिरूर, जुन्नर तालुक्यातील अनेक कार्यकर्तेची फौज त्यांच्या मागे उभी करणार असल्याचे निकम यांनी सांगितले.
दिलीप वळसे पाटील यांचा शिष्य म्हणून ओळख असलेल्या देवदत्त निकम यांनी शरद पवार यांची भेट घेतल्याने आंबेगाव तालुक्याचे राजकारण तापण्यास सुरुवात झाली आहे. देवदत्त निकम यांनी बाजार समिती निवडणुकीत दिलीप वळसे पाटील यांच्यापासून वेगळे होत स्वतंत्र निवडणूक लढवली होती. त्यामुळे वळसे पाटील यांना शह देण्याचा प्रयत्न केला होता. देवदत्त निकम यांनी शरद पवार यांची भेट घेतल्याने आंबेगाव तालुक्यातील राजकीय समीकरणे बदलणार आहेत हे नक्की.