नागपूर : मित्रांसोबत पोहायला गेलेल्या मुलाचा विहिरीत बुडून मृत्यू झाला. ही घटना नागपुरातील इसासनी येथील माधव नगरीमध्ये घडली. १५ वर्षीय महेश थापा हा इंदिरा माता नगर, डिंगडोह येथील रहिवासी असल्याचे सांगण्यात येत आहे. याप्रकरणी एमआयडीसी पोलिसांनी आकस्मिक मृत्यूची नोंद केली असून पुढील तपास सुरू आहे.
मिळालेल्या माहितीनुसार, स्वातंत्र्यदिनाची सुट्टी असल्याने तो आजीला भेटण्यासाठी राजीव नगर येथे गेला होता. त्याच्या शाळेतील वर्गमित्र आणि त्याचे काही मित्रही याच भागात राहतात. दुपारी तीनच्या सुमारास तो घरी कोणालाही न सांगता त्याच्या मित्रांसोबत पोहायला गेला. येथून १ किमी अंतरावर असलेल्या माधव नगरीला लागून असलेल्या विहिरीत ते सर्वजण पोहण्यासाठी उतरले, मात्र नीट पोहता येत नसल्याने महेश पाण्यात बुडाला, त्यामुळे त्याच्यासोबत आलेल्या सर्व मित्रांनी घाबरून तेथून पळ काढला.
मिळालेल्या माहितीनुसार, स्वातंत्र्यदिनाची सुट्टी असल्याने तो आजीला भेटण्यासाठी राजीव नगर येथे गेला होता. त्याच्या शाळेतील वर्गमित्र आणि त्याचे काही मित्रही याच भागात राहतात. दुपारी तीनच्या सुमारास तो घरी कोणालाही न सांगता त्याच्या मित्रांसोबत पोहायला गेला. येथून १ किमी अंतरावर असलेल्या माधव नगरीला लागून असलेल्या विहिरीत ते सर्वजण पोहण्यासाठी उतरले, मात्र नीट पोहता येत नसल्याने महेश पाण्यात बुडाला, त्यामुळे त्याच्यासोबत आलेल्या सर्व मित्रांनी घाबरून तेथून पळ काढला.
सायंकाळी महेश घरी न परतल्याने शोधाशोध सुरू झाली. अखेर रात्री एमआयडीसी पोलिस ठाण्यात हरवल्याची तक्रार दाखल करण्यात आली. तपासादरम्यानच बुधवारी सकाळी एका मुलाने आपल्या आईला सांगितले की, काल त्याचा एक मित्र काल विहिरीत पोहताना बुडाला होता, त्यानंतर त्या मुलाची आई त्याला घेऊन महेशच्या आजीच्या घरी गेली आणि तिला घडलेला प्रकार सांगितला. त्यानंतर एमआयडीसी पोलिसांना ही माहिती देण्यात आली.
Pawar vs Modi : मोदी यांनी फडणवीसांचे मार्गदर्शन घेतलेले दिसते; शरद पवारांची खोचक टीका
या घटनेची माहिती मिळताच पोलिस निरिक्षक भीमा नरके आणि पोलिस कर्मचारी घटनास्थळी दाखल झाले. विहिरीत पाणी भरल्याने अग्निशमन दलाच्या जवानांना पाचारण करण्यात आले. बुधवारी सकाळी त्यांनी मृतदेह बाहेर काढून पोस्टमॉर्टमसाठी पाठवला. याप्रकरणी पोलिसांनी अकस्मात मृत्यूची नोंद केली असून पुढील तपास सुरू केला आहे.
राज्यात गतिमान प्रशासनाचा माणगाव पॅटर्न; महसूल विभागात फक्त १० दिवसांत मुलीला मिळाली अनुकंपा तत्त्वावर नोकरी