बीड: राष्ट्रवादी काँग्रेसचे अध्यक्ष शरद पवार यांची दुसरी सभा बीड जिल्ह्यात होणार आहे. या सभेचे नियोजन देखील आणि जबाबदारी आमदार संदीप क्षीरसागर यांच्याकडे देण्यात आली आहे. या सभेची तयारी सध्या शहरातील पारस नगरी परिसरात सुरू आहे. शरद पवारांचा महाराष्ट्र दौरा १७ ऑगस्टपासून सुरू होत आहे. राष्ट्रवादी काँग्रेसमधील फूटीनंतर पवारांनी पहिली सभा येवला येथे घेतली, तर आता पवारांची दुसरी सभा कृषी मंत्री धनंजय मुंडे यांच्या बीड जिल्ह्यामध्ये होणार आहे. मात्र त्या आधीच बीडमध्ये लागलेल्या बॅनरमुळे सध्या खळबळ उडाली आहे.
मी उजळ माथ्यानं फिरणारा, कधी लपून गेलो ते सांगा, अजित पवारांची पत्रकारांना गुगली
आपला माणूस कामाचा माणूस आम्ही बिडकर दादांसोबत… अशा आशयाचे बॅनर सध्या बीडच्या मध्यवर्ती छत्रपती शिवाजी महाराज चौकात लागल्याने नेमके हे बॅनर कोणी लावले? नेमकं याचा अर्थ काय? या सगळ्या गोष्टींचा संभ्रम सध्या बीडमध्ये शरद पवार यांच्या सभेदरम्यान निर्माण झाल्याचे पाहायला मिळत आहे. याचबरोबर कामाच्या माणसाला साथ द्या, असं बॅनरवर लिहिल्याने नेमकं कोणाला साथ द्यायची हे देखील प्रश्नचिन्ह समोर येत आहे. उद्या होत असलेल्या सभेआधीच हे बॅनरबाजी जिल्ह्यात मोठा चर्चेचा विषय ठरत आहे. या बॅनरमध्ये आम्ही बीडकर दादांसोबतच असल्याचं या बॅनरवर मजकूरमुळे आता नेमकं याला म्हणायचं तरी काय असाही सवाल पुढे येत आहे.

राष्ट्रवादीत कोणताच संभ्रम नाही; अजितदादा अन् शरद पवारांच्या प्रश्नावर सुप्रिया सुळेंचं उत्तर

मात्र बीड शहरभर अनेक ठिकाणी ही बॅनरबाजी करण्यात आलेली आहे. एकीकडे स्वातंत्र्यदिनानिमित्त बीडमध्ये कृषी मंत्री धनंजय मुंडे हे असताना हे बॅनरबाजी करण्यात आली आहे. त्याचबरोबर दुसरीकडे आमदार संदीप क्षीरसागर यांनी सभेचे मोठमोठे बॅनर हे शहर भर लावले आहेत. तर जिल्हाभरही बॅनर झळकताना पाहायला मिळतात. मात्र यामध्येच आज लागलेले बॅनर मोठा चर्चेचा भाग ठरल्याचे पाहायला मिळते. मात्र हे बॅनर कोणी लावले हे अद्याप समजलं नाही. या बॅनरची चर्चा मात्र जिल्हाभरात होत आहे