जालना : राज्याचे विधानपरिषदेचे विरोधी पक्षनेते अंबादास दानवे आज जालना जिल्ह्याच्या दौऱ्यावर होते. अंबादास दानवे यांनी यावेळी माध्यमांसोबत संवाद साधला. यावेळी अंबादास दानवे यांनी राष्ट्रवादीत सुरु असलेल्या घडामोडी, मुख्यमंत्री एकनाथ शिंदे यांच्या गटातील नेते संजय शिरसाट आणि कर्जत जामखेडचे राष्ट्रवादी काँग्रेसचे आमदार रोहित पवार यानी केलेला दावा यावर भाष्य केलं आहे.

शरद पवार आणि अजित पवार यांच्या भेटीबाबत सामनाने गंमत जंमत या नावानं अग्रलेख लिहिला आहे, असं अंबादास दानवे म्हणाले. त्या भेटीबाबत माझ्या मनात शंका नसली तरी सर्वसामान्यांच्या मनात शंका निर्माण होत असल्याचं दानवे यांनी म्हटलं. शरद पवार आणि अजित पवार यांची भेट म्हणजे गंमत जंमत आहे,म्हणूनच सामनाने गंमत जंमत म्हणून या भेटीवर अग्रलेख लिहिला असं विधान परिषदेचे विरोधी पक्षनेते अंबादास दानवे यांनी म्हटलंय.दानवे यांच्या हस्ते जालना जिल्ह्यातील मंठा येथे ठाकरे गटाच्या संपर्क कार्यालयाचं उदघाटन करण्यात आलं यावेळी ते पत्रकारांशी बोलत होते.
शिंदे गटाचं वेगळंच प्लॅनिंग, धनुष्यबाण सोडून ‘या’ चिन्हावर निवडणूक लढणार, शिंदेंच्या खास आमदाराचा गौप्यस्फोट
शरद पवार आणि अजित पवार यांच्या भेटीबाबत माझ्या मनात शंका नसली तरी, सर्वसामान्यांच्या मनात शंका असून ती दूर करता येत नाही असंही ते म्हणाले.ईडीच्या दबावामुळे जयंत पाटील यांच्यावर दबाव येत असेल. सगळे संजय राऊत नसतात, असं सांगत अंबादास दानवे यांनी राष्ट्रवादीच्या नेत्यांना टोला लगावला. हसन मुश्रीफ यांचं काय झालं ते आता मंत्री झालेले आहेत. त्यांच्यावरील ईडी कारवाईचं काय? दिलीप वळसे पाटील यांना देखील नोटीस आली होती त्यांच्यावरील कारवाईचं काय झालं, असा सवाल अंबादास दानवे यांनी केला.
आजारपणाचं कारण पुढे करणार, शिंदेंना हटवून अजितदादांना मुख्यमंत्री करण्याचा डाव : वडेट्टीवार
संजय शिरसाट यांनी ठाकरे परिवाराबद्दल केलेल्या वक्तव्याबाबत विचारलं असता शिरसाट हे राष्ट्रीय नेते त्यांच्या अंदाजावर मी काही सांगू शकत नाही असा टोला त्यांनी लगावला.शिंदे गटातील 15 आमदार ठाकरे यांच्या संपर्कात या रोहित पवार यांच्या वक्त्यावर बोलणं टाळलं,या आमदाराबाबत रोहित पवार यांनाच माहीत असं ते म्हणाले.

Breaking News: पालिका रुग्णालयातील मृत्यूचे सत्र सुरूच; एक महिन्याच्या बाळासह चार रुग्णांचा मृत्यू