नागपूर : मैत्रीणीच्या घरी पाहुणे म्हणून आलेल्या तरूणीवर तिच्या मैत्रीणीच्या विवाहित काकाने अत्याचार केल्याची धक्कादायक घटना नागपूर जिल्हातील रामटेक येथ घडली आहे. त्यातून तरूणी गरोदर राहिली आणि तिने एका मुलाला जन्मही दिला. याप्रकरणी तरुणीने दिलेल्या तक्रारीच्या आधारे रामटेक पोलिसांनी आरोपी काकाविरुद्ध गुन्हा दाखल केला आहे. दिनेश आहाके (वहिटोला, ता. रामटेक) असे आरोपीचे नाव आहे. तक्रारीनंतर आरोपी फरार झाला.
मिळालेल्या माहितीनुसार, २० वर्षीय पीडित तरुणी तुमसर तहसीलची रहिवासी आहे. ती नागपुरात ग्रॅज्युएशन करत आहे. तिची कॉलेजमध्ये एका मुलीशी मैत्री झाली. कौटुंबिक संबंध निर्माण झाल्यामुळे तिच्या मैत्रिणीने तरुणीला कार्तिक पौर्णिमेनिमित्त गावी आपल्या घरी बोलावले होते. नोव्हेंबर २०२२ मध्ये, तरुणी तिच्या मैत्रिणीच्या घरी पाहुणी म्हणून गेली होती. तिच्या मैत्रिणीचे काका दिनेश आहाके यांच्या घरी तिची जेवण व राहण्याची व्यवस्था करण्यात आली होती.
मिळालेल्या माहितीनुसार, २० वर्षीय पीडित तरुणी तुमसर तहसीलची रहिवासी आहे. ती नागपुरात ग्रॅज्युएशन करत आहे. तिची कॉलेजमध्ये एका मुलीशी मैत्री झाली. कौटुंबिक संबंध निर्माण झाल्यामुळे तिच्या मैत्रिणीने तरुणीला कार्तिक पौर्णिमेनिमित्त गावी आपल्या घरी बोलावले होते. नोव्हेंबर २०२२ मध्ये, तरुणी तिच्या मैत्रिणीच्या घरी पाहुणी म्हणून गेली होती. तिच्या मैत्रिणीचे काका दिनेश आहाके यांच्या घरी तिची जेवण व राहण्याची व्यवस्था करण्यात आली होती.
दिनेशची वाईट नजर तरुणीवर पडली. घरी एकटी असताना दिनेश तिच्यासोबत अश्लील कृत्य करायचा. मात्र आरोपी हा तिच्या मैत्रिणीचा काका असल्याने तरुणी गप्प होती. दुसऱ्या दिवशी मध्यरात्री दिनेश तरुणी ज्या खोलीत झोपली होती तिथे आला. त्याने तोंड दाबून शारीरिक संबंधाची मागणी केली. तिने नकार दिल्याने दिनेशने तिच्यावर अत्याचार केला.
काँग्रेसचं ठरलं; धाराशिव लोकसभेसाठी उमेदवार कोण असेल?, अमित देशमुख यांनी जाहीर केलं
तरुणी तिच्या मैत्रिणीच्या घरी एक आठवडा थांबली होती. आरोपी दिनेशने तिच्याशी अनेकवेळा शारीरिक संबंध प्रस्थापित केले होते. घरी परतल्यानंतर तिला समजले की ती गर्भवती आहे. मात्र, आपली बदनामी होईल म्हणून तिने कोणालाही सांगितले नाही. गरोदरपणाच्या ५ महिन्यांनंतर तिच्या आई आणि बहिणीला ही स्थिती कळली. डॉक्टरांकडे नेले असता तिने गर्भपात करण्यास नकार दिला. त्यामुळे तिची आई तिला पुण्यात राहणाऱ्या तरूणीच्या मावशीकडे घेऊन गेली.
IND vs Malasia : हॉकीत भारताची ऐतिहासिक कामगिरी, मलेशियाला धूळ भारतानं चौथ्यांदा पटकावली ट्रॉफी
८ ऑगस्ट रोजी तिने तेथे मुलाला जन्म दिला. मात्र, मुलाला वडिलांचे नाव मिळणार नसल्याचे लक्षात येताच तिने रामटेक पोलिस ठाण्यात धाव घेत पोलिसांना घटनेची माहिती दिली. या तक्रारीच्या आधारे पोलिसांनी गुन्हा दाखल केला आहे. गुन्हा दाखल झाल्याचे कळताच आरोपी दिनेश आहाके हा फरार झाला असून पोलीस त्याचा शोध घेत आहेत.