नागपूर : स्वत:ला मोठे उद्योगपती सांगून अनेक राज्यात अनेकांची फसवणूक करणाऱ्या नवी मुंबईतील दोन जणांना नागपूर पोलिसांनी अटक केली आहे. यामुळं राष्ट्रीय स्तरावरील फसवणुकीच्या रॅकेटचा पर्दाफाश झाला आहे. स्वत:ला व्यापारी सांगून त्यांनी अनेक राज्यात अनेकांची फसवणूक केली आहे. नागपुरात फसवणुकीची दोन प्रकरणे उघडकीस आली आहेत. एकाला युरोपियन बँकेत नोकरी देण्याचे आमिष दाखवून ५० लाख रुपयांची फसवणूक करण्यात आली, तर दुसऱ्याकडून सॉफ्ट लोनच्या नावाखाली ७२ लाख रुपये उकळले. दोघांना नागपूर पोलिसांनी अटक केली असून आर्थिक गुन्हे शाखा त्यांची चौकशी करत आहे.

आशिक अली नाथानी मोहिब अली नाथानी (७३, पनवेल) आणि हसन अहमद शेख (६२, पनवेल) अशी अटकेतील आरोपींची नावे आहेत. या दोघांविरुद्ध नागपुरातील सीताबर्डी आणि पाचपावली पोलिस ठाण्यात फसवणुकीचे गुन्हे दाखल आहेत. पहिल्या प्रकरणात, त्याने एका व्यक्तीशी संपर्क साधला आणि सांगितले की त्यांचा मुलासाठी युरोपमधील सायप्रस पॉइंट बँकेत नोकरी आहे. त्याला दर महिन्याला भारतीय चलनात ४८ लाख रुपये पगार मिळेल, असे आमिष दाखवण्यात आले. फिर्यादीने हे मान्य केले आणि त्याचा पासपोर्ट आणि पत्नी आणि मुलाचा पासपोर्ट त्याचा कडे दिले. विविध प्रोसेसिंग फीच्या नावाखाली आरोपींनी फिर्यादी कडून ५०.६५ लाख रुपये घेतले.
पोलीस स्टेशनचा फोन पहाटे ३.५० ला वाजला, मुलीनं मदत मागितली, पोलिसांचं पथक पुलावर पोहचले अन् जे पाहिलं…
ही रक्कम सानपाडा येथील आयसीआयसीआय बँकेच्या शाखेत वळती करण्यात आली. मात्र त्यानंतर त्यांनी नोकरीबाबत काहीही सांगितले नाही. फिर्यादीने वारंवार विचारपूस केली असता त्यांनी उडवाउडवीची उत्तरे दिली. पैसे बाबतीत विचारले असता,ते पैसे परत करायलाही तयार नव्हते. अखेर फिर्यादीने सीताबर्डी पोलीस ठाण्यात तक्रार दिली असून पोलिसांनी दोघांविरुद्ध फसवणुकीचा गुन्हा दाखल केला आहे. या प्रकरणाच्या तपासात दोन्ही आरोपी समोर आले असून त्यांना पनवेल येथून अटक करण्यात आली आहे. त्याला ८ ऑगस्टपर्यंत पोलीस कोठडी सुनावण्यात आली.तपासादरम्यान पाचपावलीची घटनाही समोर आली.
राज्य परीक्षा परिषदेच्या तत्कालीन आयुक्त शैलजा दराडे यांना अटक; पाहा कशी केली ५ कोटींची फसवणूक
आशिक अली आणि हसन या दोघांनी ‘आरएस इन्व्हेस्टमेंट बँक अँड ट्रस्ट’चे अध्यक्ष असल्याचे भासवत एका व्यक्तीला विश्वासात घेऊन कमी व्याजदरात सॉफ्ट लोन मिळवून देऊ शकतो असे सांगितले. आमचा पैसा परदेशात आहे आणि तो आम्ही थेट भारतात गुंतवू शकत नाही. पण ते तुम्हाला सॉफ्ट लोनद्वारे लोन देऊ शकतात असेही सांगितले. यानंतर त्यांनी अमेरिकेत टॅक्सच्या नावाखाली ७२ लाख रुपये घेतले. आरएस इन्व्हेस्टमेंट बँक अँड ट्रस्टच्या नावाने आरोपीने फिर्यादीला १० मिलीयन डॉलर्सचे डीडी दिला. पण तो डीडी अमेरिकेत क्लिअर होऊ शकला नाही. तेव्हा आपली फसवणूक झाल्याचे फिर्यादीच्या लक्षात आले. त्यांनी पाचपावली पोलिस ठाण्यात तक्रार दिली. या तक्रार नुसार पोलिसांनी दोन्ही आरोपींविरुद्ध गुन्हा दाखल केला.

हे दोन्ही आरोपी सराईत असून त्यांनी उद्योगपती असल्याचे भासवून विविध राज्यातील श्रीमंतांची फसवणूक केली आहे. या आरोपींनी नागपूर आणि विदर्भातील आणखी व्यापाऱ्यांची फसवणूक केली असण्याची शक्यता असून असे कोणी असल्यास त्यांनी त्वरित तक्रार करावी, असे आवाहन आर्थिक गुन्हे शाखेचे उपायुक्त अर्चित चांडक यांनी केले आहे.

भारत बनला जगातील तिसरी मोठी अर्थव्यवस्था, चीनने अमेरिकेला मागे टाकले, जपान-रशिया आपल्या मागे

समृद्धी महामार्गावर भीषण अपघात; एका ड्रायव्हरचा दुर्दैवी मृत्यू, दुसरा ड्रायव्हर सुदैवाने वाचला