दरम्यान मी पत्रकाराच्या विरोधात नाही, तर त्या प्रवृत्तीच्या विरोधात असल्याचे स्पष्टीकरण शिवसेना शिंदे गटाचे आमदार किशोर पाटील यांनी दिले आहे. संपूर्ण देशाच्या आणि राज्याच्या पत्रकारांना अंगावर घ्यायला मी काही मूर्ख नाही. तो जर खरा असेल तर त्याने गोंडगाव गावात येऊन दाखवावं त्याने केलेल्या बातमीवर या गावातील नागरिकांच्या प्रचंड संतप्त प्रतिक्रिया आहेत. ज्या पद्धतीच्या आचारसंहिता ही लोकप्रतिनिधींना तुम्ही शिकवता त्याच पद्धतीच्या आचारसंहिता तुम्ही पत्रकारांनाही शिकवा. अशा नालायक लोकांच्या प्रवृत्ती विरोधात मी आजही आहे उद्याही आहे आणि परवाही राहील. जे होईल त्याची मला परवा नाही, अशी प्रतिक्रिया आमदार किशोर पाटील यांनी दिली आहे.