खेड, पुणे : खेड तालुक्यातील चासकमान डाव्या कालव्याच्या पाण्यात उडी मारून तरुणीने आत्महत्या केल्याची घटना समोर आली आहे. या घटनेने खेड तालुक्यात एकच खळबळ उडाली आहे. सोनाली ज्ञानेश्वर गायकवाड (वय २४ ) असे आत्महत्या केलेल्या तरुणीचे नाव आहे. याबाबत मुलीचे वडील ज्ञानेश्वर बाळू गायकवाड यांनी खेड पोलिसांना फिर्याद दिली आहे.
याबाबत खेड पोलिसांनी दिलेली माहिती अशी की, सोनाली गायकवाड ही दि. ४ रोजी सकाळी ६ वाजताच्या सुमारास राजगुरुनगर येथील हुतात्मा राजगुरू महाविद्यालयात कार्यक्रम असल्याचे सांगून घरातून बाहेर पडली. त्यानंतर घरी न परतल्याने तिचा शोध घेण्यात येत होता. मात्र नंतर काळेवाडी रस्त्यालगत असलेल्या चासकमान कालव्याच्या मागील बाजूस वाहत्या पाण्यात तिचा मृतदेह आढळून आला.
याबाबत खेड पोलिसांनी दिलेली माहिती अशी की, सोनाली गायकवाड ही दि. ४ रोजी सकाळी ६ वाजताच्या सुमारास राजगुरुनगर येथील हुतात्मा राजगुरू महाविद्यालयात कार्यक्रम असल्याचे सांगून घरातून बाहेर पडली. त्यानंतर घरी न परतल्याने तिचा शोध घेण्यात येत होता. मात्र नंतर काळेवाडी रस्त्यालगत असलेल्या चासकमान कालव्याच्या मागील बाजूस वाहत्या पाण्यात तिचा मृतदेह आढळून आला.
अर्ध्यावरच डाव मोडला, पत्नी अन् १३ महिन्यांच्या मुलाला मागे सोडत तरुणाचं टोकाचं पाऊल
या घटनेबाबत कुटुंबीयांनी खेड पोलिसांना माहिती दिली. पोलिसांनी घटनास्थळी धाव घेत मृतदेह पाण्यातून बाहेर काढला. मृत तरुणी चासकमान परिसरात राहणारी तरुणी असून तिच्या जाण्याने कुटुंबावर शोककळा पसरली आहे. महाविद्यालयात शिकणारी सोनाली अभ्यासात हुशार होती. मात्र तिच्या अकाली मृत्यूने सर्वांनाच धक्का बसला आहे.
दरम्यान, तरुणीच्या आत्महत्येचे कारण अद्याप समोर आले नसून पोलिसांकडूनया प्रकरणाचा अधिक तपास करण्यात येत आहे.